ព័ត៌មានអន្ដរជាតិ
អាមេរិក ថា អ៊ីរ៉ង់ បញ្ជូនយន្តហោះដ្រូនប្រដាប់អាវុធរាប់រយគ្រឿងឲ្យ រុស្ស៊ី ទុកប្រើនៅ អ៊ុយក្រែន
ទីប្រឹក្សាសន្តិសុខជាតិអាមេរិកលោក Jake Sullivan បាននិយាយកាលពីថ្ងៃចន្ទថា អ៊ីរ៉ង់គ្រោងនឹងផ្គត់ផ្គង់យន្តហោះដ្រូនមានសមត្ថភាពផ្ទុកសព្វាវុធរាប់រយគ្រឿងឲ្យរុស្ស៊ីសម្រាប់ប្រើប្រាស់ក្នុងប្រទេសអ៊ុយក្រែន តាមពេលវេលាកំណត់ដ៏ឆាប់រហ័សមួយ ។
ទន្ទឹមនោះលោក Sullivan បាននិយាយទៀតថា សហរដ្ឋអាមេរិកក៏មានព័ត៌មានដែលបង្ហាញពីអ៊ីរ៉ង់កំពុងត្រៀមចាប់ផ្តើមហ្វឹកហ្វឺនកងកម្លាំងរុស្ស៊ីដើម្បីដាក់ពង្រាយយន្តហោះដ្រូននៅដើមខែនេះផងដែរ ។
លោកបញ្ជាក់ថា ផែនការទាំងនេះគឺជាភស្តុតាងបង្ហាញយ៉ាងច្បាស់ ស្របពេលមានការវាយប្រហារដោយមីស៊ីលរបស់រុស្ស៊ីកម្ទេចឃ្លាំងអាវុធអាមេរិកនៅអ៊ុយក្រែនក្នុងប៉ុន្មានសប្តាហ៍ថ្មីៗនេះដែលបណ្តាលឲ្យជនស៊ីវិលស្លាប់ និងរងរបួសបន្ថែមទៀត ។
ជនស៊ីវិលនៅភាគខាងកើតអ៊ុយក្រែនកំពុងរងការវាយប្រហារយ៉ាងខ្លាំងនៅក្នុងសង្គ្រាមដែលចាប់ផ្ដើមពីចុងខែកុម្ភៈមក ខណៈកាលពីពេលថ្មីៗនេះកងកម្លាំងរុស្ស៊ីក៏បានបាញ់មីស៊ីលកម្ទេចប្លុកផ្ទះល្វែងមួយកន្លែងនៅទីក្រុង Chasiv Yar កាលពីចុងសប្តាហ៍ ដោយបានសម្លាប់មនុស្សយ៉ាងហោចណាស់ ៣១ នាក់ ខណៈក្រុមអ្នកជួយសង្គ្រោះក៏កំពុងស្វែងរកអ្នកនៅរស់រានមានជីវិតក្នុងអគារបាក់បែកផងដែរ ។
បើទោះជាយ៉ាងនេះក្ដី រុស្ស៊ីនៅតែបដិសេធម្តងហើយម្តងទៀតចំពោះការកំណត់គោលដៅជនស៊ីវិល ជាផ្នែកមួយនៃការវាយលុករបស់ខ្លួន ខណៈដែលអាវុធបាញ់ចេញពីដីគោកហោះទៅទីក្រុង Chasiv Yar គឺកំណត់គោលដៅបំផ្លាញទីតាំងដាក់ពង្រាយបណ្តោះអាសន្ននៃអង្គភាពការពារដែនដីអ៊ុយក្រែន ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក និងសម្ព័ន្ធមិត្ត ជិតអស់ជំនួយគាំទ្រដល់ អ៊ុយក្រែន ហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង