ព័ត៌មានអន្ដរជាតិ
ពិធីបុណ្យលាគ្នាលើកចុងក្រោយរបស់លោក Abe កំពុងប្រព្រឹត្តនៅទីក្រុងតូក្យូ
ពិធីបុណ្យសពរបស់អតីតនាយករដ្ឋមន្ត្រីជប៉ុនលោក Abe Shinzo ដែលត្រូវបានបាញ់សម្លាប់កាលពីថ្ងៃសុក្រ កំពុងតែប្រព្រឹត្តទៅនៅឯព្រះវិហារពុទ្ធសាសនា Zojoji កណ្តាលទីក្រុងតូក្យូ ។
ទន្ទឹមនោះ ពិធីលាគ្នាលើកចុងក្រោយដែលធ្វើឡើងកាលពីថ្ងៃចន្ទ និងមានការចូលរួមពីសាច់ញាតិ មិត្តភ័ក្តិ និងក្រុមការងាររបស់លោក Abe សរុបប្រហែល ២,៥០០ នាក់ក៏ត្រូវបានធ្វើឡើងនៅព្រះវិហារនេះដូចគ្នា ខណៈពិធីបុណ្យសពនៅថ្ងៃអង្គារនេះមានតែមនុស្សមួយចំនួនប៉ុណ្ណោះដែលបានចូលរួម ។
ស្របពេលជាមួយគ្នានេះ មនុស្សគ្រប់គ្នាដែលមានបំណងចង់ឧទ្ទិសដល់ការចងចាំរបស់អតីតនាយករដ្ឋមន្ត្រីវ័យ ៦៧ ឆ្នាំរូបនេះនឹងអាចធ្វើដូច្នេះនៅពេលក្រោយ ពោលនៅក្នុងពិធីលាគ្នាជាពិសេសដែលនឹងត្រូវរៀបចំនៅស្រុកកំណើតរបស់លោក Abe គឺទីក្រុង Shimonoseki ខណៈកាលបរិច្ឆេទពិតប្រាកដមិនទាន់ត្រូវបានប្រកាសនៅឡើយទេ ។
គួររំឭកថា លោក Abe ត្រូវបានខ្មាន់កាំភ្លើងវាយប្រហារកាលពីព្រឹកថ្ងៃសុក្រក្នុងទីក្រុង Nara ភាគខាងលិចប្រទែសជប៉ុន ក្នុងអំឡុងពេលថ្លែងសុន្ទរកថាយុទ្ធនាការឃោសនាបោះឆ្នោតនៅតាមដងផ្លូវ ខណៈភ្លាមៗនោះប៉ូលិសក៏បានចាប់ខ្លួនជនដៃដល់ឈ្មោះ Tetsuya Yamagami អាយុ ៤១ ឆ្នាំ បន្ទាប់ពីដើរចូលទៅជិតអ្នកនយោបាយពីខាងក្រោយ ហើយបានបាញ់ចំនួន ២ គ្រាប់ចំទ្រូងក្នុងចម្ងាយជាច្រើនម៉ែត្រ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ជនដៃដល់សារភាពទៀតថា គុំសម្លាប់លោក Abe តាំងពីមួយឆ្នាំមុនមកម្ល៉េះ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង