Connect with us

ព័ត៌មានអន្ដរជាតិ

ធ្លាក់ឧទ្ធម្ភាចក្រថៃ​របួស​មេបញ្ជាការ​ភូមិភាគ​ និង​មន្ត្រីយោធា​៧នាក់

បានផុស

នៅ

យ៉ាងហោចណាស់មន្ត្រីយោធាចំនួន ៧ នាក់ បានរងរបួសបន្ទាប់ពីម៉ាស៊ីនឧទ្ធម្ភាគចក្រមួយគ្រឿងមានបញ្ហា ទើបអាកាសយានិកបង្ខំចិត្តចុះចត នៅលើចម្ការដើមកៅស៊ូតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ភ្ញាក់ផ្អើលនេះ បានកើតឡើងកាលពីរសៀលថ្ងៃទី ១៥ ខែកក្កដា ឆ្នាំ២០២២ តាមបណ្តោយខ្សែបន្ទាត់ព្រំដែន ភាគខាងត្បូងនៃប្រទេសថៃជាប់នឹងប្រទេសភូមា។

បើតាមការចុះផ្សាយរបស់គេហទំព័រក្នុងស្រុកបានបញ្ជាក់ថា នៅមុនពេលកើតហេតុ គឺមានឧទ្ធម្ភាចក្រមួយគ្រឿង លេខ ៧០០៣ បានដឹកនាំមន្ត្រីយោធា រួមជាមួយនិងមេបញ្ជាការយោធភូមិភាគទី៤ គឺលោក ក្រៀងក្រៃ សេរីរ៉ាក់ បានចេញប្រតិបត្តិការហោះហើរ ដើម្បីត្រួតពិនិត្យតាមខ្សែបន្ទាត់ព្រំដែនពីខេត្តសុងខ្លាទៅកាន់ខេត្តប៉ាតានី។

គេហទំព័រដដែលបានបន្តថា លុះទៅដល់ត្រង់ចំណុច ភូមិ២ ឃុំវុាំងយ៉ៃ ស្រុកថេផា ខេត្តសុងខ្លា អ្នកបើកបរឧទ្ធម្ភាចក្របានសង្គេតឃើញថា ម៉ាសុីនហាក់មានភាពមិនប្រក្រតី ទើបបង្ខំចិត្តចុះចតពីលើចម្ការដើមកៅស៊ូតែម្តង ព្រោះមិនអាចបន្តដំណើរទៅមុខទៀតបាន។

ភ្លាមៗនោះក្រោយពីទទួលបានដំណឹង កម្លាំងយោធាខេត្តសុងខ្លាបានបញ្ជូនឧទ្ធម្ភាចក្រមួយគ្រឿងទៀត ទៅដឹកបញ្ជូនមន្ត្រីយោធាទាំងអស់និងលោកឧត្តមសេនីយ៍ ទៅកាន់មន្ទីរពេទ្យដើម្បីសង្គ្រោះ ព្រោះមនុស្សទាំងអស់សុទ្ធតែរងរបួស តែជាសំណាងល្អដោយគ្មាននរណាម្នាក់បាត់បង់ជីវិតឡើយ៕

អត្ថបទ : សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម