Connect with us

ព័ត៌មានអន្ដរជាតិ

អ៊ុយក្រែន សុំម្ចាស់បំណុលពន្យារពេលសងលុយរយៈពេល ២៤ ខែ

បានផុស

នៅ

បើយោងតាមដំណោះស្រាយរបស់រដ្ឋាភិបាលអ៊ុយក្រែនបានឲ្យដឹងកាលពីថ្ងៃពុធថា អ៊ុយក្រែនមានបំណងសុំពន្យារពេលការសងបំណុលបរទេស ហើយនឹងទូទាត់ការប្រាក់បន្ថែមឲ្យម្ចាស់បំណុលរយៈពេល ២៤ ខែ ចាប់ពីថ្ងៃទី ១ ខែសីហា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះរដ្ឋាភិបាលដែលកំពុងព្យាយាមដោះស្រាយផលប៉ះពាល់នៃសង្គ្រាមលុកលុយរបស់រុស្ស៊ីកាលពីថ្ងៃទី ២៤ ខែកុម្ភៈ បានណែនាំដល់ក្រសួងហិរញ្ញវត្ថុឲ្យធ្វើការចរចាជាមួយម្ចាស់បំណុលលើការពន្យារពេលការទូទាត់ត្រឹមថ្ងៃទី ១៥ ខែសីហា ហើយបានសន្យាបន្ថែមការប្រាក់លើការទូទាត់ដែលត្រូវបានពន្យារពេលនោះផងដែរ ។

ស្របពេលជាមួយគ្នានេះ រដ្ឋាភិបាល​ក៏​គ្រោង​នឹង​ពន្យារពេល​ការ​ទូទាត់​លើ​ការ​ធានា​ដែល​ទាក់ទង​នឹង GDP ទៅ​ខែ​សីហា ឆ្នាំ ២០២៤ វិញផងដែរ ពោលចាប់ពី​ខែ​ឧសភា ឆ្នាំ ២០២៣ តទៅ ។

អ៊ុយក្រែនបានទទួលប្រាក់កម្ចីពីបរទេសដែលមានតម្លៃប្រហែល ១៩.៥ ពាន់លានដុល្លារពីឆ្នាំ ២០២២ ដល់ឆ្នាំ ២០៣៣ ហើយបានកំណត់លក្ខខណ្ឌពន្យារពេលរហូតដល់ឆ្នាំ ២០២៤ ដល់ឆ្នាំ ២០៣៥ ។

អ៊ុយក្រែនកំពុងប្រឈមមុខនឹងការសងបំណុលបរទេសជាកំណត់ត្រាក្នុងខែកញ្ញា ពោលចំនួន ១.៩៣ ពាន់លានដុល្លារ ខណៈចំណូលថវិការដ្ឋអាចគ្រប់គ្រងត្រឹមតែមួយភាគបីប៉ុណ្ណោះនៃតម្រូវការហិរញ្ញវត្ថុរបស់ប្រទេស ។

ចំណែកលោក Tymofiy Mylovanov ទីប្រឹក្សាការិយាល័យប្រធានាធិបតីអ៊ុយក្រែនក៏បានជំរុញឲ្យដៃគូបរទេសបង្កើនការគាំទ្រផ្នែកហិរញ្ញវត្ថុរបស់ពួកគេសម្រាប់អ៊ុយក្រែនដើម្បីជួយប្រទេសនេះទប់ស្កាត់វិបត្តិក្នុងស្ថានភាពដែលការចំណាយបានកើនឡើងយ៉ាងខ្លាំង ដោយសារតែសង្គ្រាម ខណៈពេលដែលប្រាក់ចំណូលកំពុងដាំក្បាលចុះក្រោមជាលំដាប់ ៕

ប្រែសម្រួលដោយ ៖ ជីវ័ន្ត

ប្រភព ៖ Reuters

ចុចអាន ៖ អាល្លឺម៉ង់ ប្រកាសអស់អាវុធផ្ដល់ឲ្យ អ៊ុយក្រែន ទៀតហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៤ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៥ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៥ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម