Connect with us

ព័ត៌មានអន្ដរជាតិ

អាមេរិក ផ្តល់ជំនួយយោធាថ្មី ក្នុងទំហំទឹកប្រាក់ ២៧០ លានដុល្លារបន្ថែមទៀតដល់ អ៊ុយក្រែន

បានផុស

នៅ

សេតវិមានបានប្រកាសថា សហរដ្ឋអាមេរិកនឹងបញ្ជូនជំនួយផ្នែកសន្តិសុខក្នុងទំហំទឹកប្រាក់ ២៧០ លានដុល្លារបន្ថែមទៀតដល់អ៊ុយក្រែន ដែលក្នុងកញ្ចប់នេះនឹងរួមមានទាំង ប្រព័ន្ធរ៉ុកកែតរយៈចម្ងាយមធ្យមបន្ថែមទៀត និងយន្តហោះគ្មានមនុស្សបើកយុទ្ធសាស្ត្រ ផងដែរ។

សេចក្តីប្រកាសកាលពីថ្ងៃសុក្រទី២២ខែកក្កដានេះ បាននាំឲ្យជំនួយសន្តិសុខសរុប របស់សហរដ្ឋអាមេរិកដែលផ្តល់ឲ្យអ៊ុយក្រែនដោយរដ្ឋបាលរបស់លោកប្រធានាធិបតីលោក Joe Biden កើនដល់ទៅ ៨.២ពាន់លានដុល្លារ។

កញ្ចប់ថ្មីនេះ រួមមានទាំងប្រព័ន្ធរ៉ុកកែត High Mobility Artillery Rocket Systems ឬ HIMARS ហើយនឹងអនុញ្ញាតឲ្យទីក្រុង កៀវ ទទួលបានយន្តហោះគ្មានមនុស្សបើក Phoenix Ghost រហូតដល់ទៅ ៥៨០ គ្រឿង។ ទាំង២នេះសុទ្ធតែជាប្រព័ន្ធអាវុធដ៏សំខាន់ ដែលអនុញ្ញាតឲ្យ អ៊ុយក្រែន បន្តក្នុងការប្រយុទ្ធ ថ្វីបើកាំភ្លើងធំរបស់រុស្ស៊ីមានថាមពលខ្លាំងជាងក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក John Kirby អ្នកសម្របសម្រួលទំនាក់ទំនងជាយុទ្ធសាស្ត្រ របស់ក្រុមប្រឹក្សាសន្តិសុខជាតិសេតវិមានបានឲ្យដឹងថា ជំនួយចុងក្រោយនេះក៏រួមបញ្ចូលផងដែរ នូវគ្រាប់កាំភ្លើងធំចំនួន ៣៦០០០ គ្រាប់ និងគ្រាប់បន្ថែមសម្រាប់ HIMARS។

លោក Kirby អះអាងថា “លោកប្រធានាធិបតីបានបញ្ជាក់ច្បាស់ៗថា យើងនឹងបន្តគាំទ្ររដ្ឋាភិបាលអ៊ុយក្រែន និងប្រជាជនរបស់ខ្លួន ដរាបណាពួកគេត្រូវការ”៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អ៊ុយក្រែន នឹង ដាក់ ទណ្ឌកម្ម ពលរដ្ឋ ខ្លួន រូបណា ដែល ទទួល លិខិត ឆ្លង ដែន រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

​ចរាចរណ៍ប្រាក់រៀល​កើនឡើង ១៥ ភាគរយ​ ក្នុងមួយឆ្នាំ​ នាអំឡុង២ទស្សវត្សរ៍ចុងក្រោយ​

សន្តិសុខសង្គម១៤ នាទី មុន

អភិបាលរងខេត្តស្វាយរៀង២រូប ចុះធ្វើបច្ចុប្បន្នភាព​ការបង្ក្រាបល្បែងស៊ីសងខុសច្បាប់ នៅក្រុងបាវិត 

ព័ត៌មានជាតិ២៧ នាទី មុន

ប្រមុខការទូតខ្មែរ៖ កិច្ចសហប្រតិបត្តិការមេគង្គ-ឡានឆាង នឹងបន្តជាវិជ្ជមានជាមួយយន្តការអនុតំបន់មេគង្គដទៃទៀត

ជីវិតកម្សាន្ដ១ ម៉ោង មុន

អ៊ីណូ បង្ហាញឆន្ទៈជួយផ្សព្វផ្សាយផលិតផលកសិករខ្មែរដោយមិនគិតថ្លៃ

ព័ត៌មានអន្ដរជាតិ១ ម៉ោង មុន

មកដឹងចំនួនពលករ ថៃ ត្រៀមចំណាកស្រុកទៅធ្វើការនៅ កូរ៉េខាងត្បូង ឆ្នាំនេះ

Sokha Hotels

ព័ត៌មានពេញនិយម