កងទ័ព​ចិន​ ធ្វើ​សមយុទ្ធ​​នៅ​សមុទ្រ​ចិន​ខាងត្បូង​ ក្រោយបញ្ជូនយន្តហោះចម្បាំង ទៅឆ្វែលកោះ តៃវ៉ាន់ (មានវីដេអូ)

រដ្ឋបាលសុវត្ថិភាពដែនសមុទ្រចិនបានប្រកាសថា សមយុទ្ធយោធានឹងធ្វើឡើងនៅក្នុងតំបន់ សមុទ្រចិនខាងត្បូង ចាប់ពីថ្ងៃទី០២ខែសីហានេះ រហូតដល់ថ្ងៃទី៦ខែសីហា ដោយការ​ចូល​របស់​កប៉ាល់​ទាំង​អស់​ ​ទៅ​ក្នុង​តំបន់​នឹង​ត្រូវ​ហាម​ឃាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ព័ត៌មានលម្អិតអំពីប្រភេទកងទ័ពណាខ្លះ ដែលនឹងចូលរួមក្នុងសមយុទ្ធនេះ និងជាសមយុទ្ធប្រភេទអ្វី គឺមិនត្រូវបានបញ្ជាក់នោះទេ។

សមយុទ្ធនេះ កើតឡើងចំពេលមានភាពតានតឹងកាន់តែខ្លាំង ខណៈមានរបាយការណ៍បង្ហាញថា គណៈប្រតិភូអាមេរិកដែលដឹកនាំដោយប្រធានសភាលោកស្រី Nancy Pelosi អាចនឹងធ្វើដំណើរទៅកាន់ទីក្រុងតៃប៉ិ ក្នុងអំឡុងពេលដំណើរទស្សនកិច្ចនៅអាស៊ី។

ហើយសមយុទ្ធនេះ ក៏កើតឡើងផងដែរបន្ទាប់ពីយន្តហោះចម្បាំងរបស់ចិនជាច្រើនគ្រឿង បានហោះឆ្វែលនៅជិតខ្សែបន្ទាត់កណ្តាលនៃច្រកសមុទ្រតៃវ៉ាន់ ដ៏រសើប។

នាវាចម្បាំង និងយន្តហោះរបស់ចិន ត្រូវបានបញ្ជូនទៅកៀក ខ្សែបន្ទាត់កណ្តាល កាលពីព្រឹកថ្ងៃអង្គារនេះ ដែលជាសកម្មភាពមិនធម្មតាមួយ។

ជាធម្មតា ​យន្តហោះ​របស់​ភាគី​ទាំងពីរ​ មិនដែល​ឆ្លងកាត់ខ្សែ​បន្ទាត់កណ្តាលនេះ​ទេ​៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sputnik

ចុចអាន៖ អាមេរិកព្រមានថា ចិន អាចបាញ់មីស៊ីល ជិតកោះតៃវ៉ាន់ ឬធ្វើសកម្មភាពយោធាទ្រង់ទ្រាយធំ បើលោកស្រី Pelosi បំពេញទស្សនកិច្ច