Connect with us

ព័ត៌មានអន្ដរជាតិ

ណាតូ​ លាតត្រដាងគោល​ដៅ​របស់​ខ្លួន ​ក្នុង​ជម្លោះ​រុស្ស៊ី-អ៊ុយក្រែន

បានផុស

នៅ

លោក Jens Stoltenberg អគ្គលេខាធិការអង្គការណាតូ បាននិយាយកាលពីថ្ងៃព្រហស្បតិ៍ទី០៤ខែសីហាថា គោលបំណងសំខាន់មួយរបស់សម្ព័ន្ធភាពយោធានេះ នៅក្នុងជម្លោះអ៊ុយក្រែន គឺត្រូវទប់ស្កាត់ “សង្រ្គាមពេញទំហឹង” ជាមួយ រុស្ស៊ី។

លោក Jens Stoltenberg អគ្គលេខាធិការអង្គការណាតូ 

លោក Stoltenberg បាននិយាយក្នុងសុន្ទរកថាមួយនៅប្រទេសន័រវែស ថា “នៅក្នុងជម្លោះនេះ ណាតូ មានភារកិច្ចពីរគឺ គាំទ្រអ៊ុយក្រែន និងការពារកុំឲ្យសង្រ្គាម ប្រែក្លាយទៅជាសង្រ្គាមពេញទំហឹងរវាងណាតូ និងរុស្ស៊ី”។

ប្រធានប្លុកយោធានេះ បានហៅជម្លោះរុស្ស៊ី-អ៊ុយក្រែន ថាជា “ស្ថានភាពដ៏គ្រោះថ្នាក់បំផុតនៅអឺរ៉ុបចាប់តាំងពីសង្គ្រាមលោកលើកទីពីរ”។ លោកបន្ថែមថា “មិនត្រូវអនុញ្ញាឲ្យទីក្រុងមូស្គូ ឈ្នះដាច់ខាត។ ប្រសិនបើរុស្ស៊ីឈ្នះសង្រ្គាមមែននោះ ប្រធានាធិបតីរុស្ស៊ី វ្ល៉ាឌីមៀរ ពូទីន នឹងជឿជាក់ថា អំពើហិង្សាពិតជាមានប្រសិទ្ធភាព។ បន្ទាប់មក ប្រទេសជិតខាងផ្សេងទៀតអាចជាគោលដៅបន្ទាប់”។

ចាប់តាំងពីរុស្ស៊ី បើកប្រតិបត្តិការយោធានៅថ្ងៃទី២៤ខែកុម្ភៈមក អ៊ុយក្រែនបានទទួលជំនួយផ្នែកយោធាយ៉ាងច្រើនសន្ធឹកសន្ធាប់ពីបណ្តាប្រទេសណាតូ ដោយសព្វាវុធមានតម្លៃរាប់ពាន់លានដុល្លារ បានបញ្ជូនទៅទីក្រុងកៀវ ធ្វើឲ្យទីក្រុងមូស្គូរិះគន់មិនឈប់ឈរ។

កាលពីខែកក្កដា រដ្ឋមន្ត្រីការបរទេសរុស្ស៊ីលោក Sergei Lavrov បាននិយាយនៅក្នុងបទសម្ភាសន៍ជាមួយ RT ថា អ៊ុយក្រែនកំពុង ប្រមូលឧបករណ៍យោធាលោកខាងលិច ហើយលើសពីនេះទៅទៀត បង្ខំឲ្យប្រើអាវុធទាំងនេះក្នុងវិធីដែលកាន់តែប្រថុយប្រថាន។

រដ្ឋមន្ត្រីការបរទេសរុស្ស៊ីលោក Sergei Lavrov

មុនពេលចាប់ផ្តើមប្រតិបត្តិការ រុស្ស៊ីបាននិយាយម្តងហើយម្តងទៀតថា ខ្លួនចាត់ទុកការពង្រីកទៅទិសខាងកើតរបស់អង្គការណាតូ ថាជាការគំរាមកំហែងដល់សន្តិសុខជាតិរបស់ខ្លួន។

នៅខែធ្នូ ឆ្នាំ២០២១ ទីក្រុងមូស្គូបានអំពាវនាវដល់សហរដ្ឋអាមេរិក និងសម្ព័ន្ធមិត្ត ឲ្យមានការធានាផ្លូវច្បាប់ថា ណាតូនឹងបញ្ឈប់ការពង្រីករបស់ពួកគេ និងបដិសេធពីការដាក់ពង្រាយប្រព័ន្ធសព្វាវុធដែលមានសមត្ថភាពវាយប្រហារចូលជ្រៅទៅក្នុងទឹកដីរុស្ស៊ី។ ទោះបីជាយ៉ាងណាក៏ដោយ អង្គការណាតូបានឆ្លើយតបថា វាគឺសម្រាប់សមាជិករបស់ខ្លួន៕

ប្រែសម្រួល៖ Vann Vann

ប្រភព៖ RT

ចុចអាន៖ ណាតូ និង EU ចង់តាមដានអាវុធ ដែលបញ្ជូនទៅ អ៊ុយក្រែន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១០ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ២២ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៣៧ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥១ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម