ព័ត៌មានអន្ដរជាតិ

អ្នកការទូតកំពូលរបស់អាមេរិក និងប្រទេស ២ ផ្សេងទៀត ជំរុញឲ្យ ចិន បញ្ចប់សមយុទ្ធយោធា

បានផុស

៧ ខែ មុន

នៅ

ថ្ងៃសៅរ៍ ៦ សីហា ២០២២

ដោយ

រដ្ឋមន្ត្រីការបរទេសអាមេរិក លោក Antony Blinken និងសមភាគីជប៉ុន និងអូស្ត្រាលី នៅក្នុងសេចក្តីថ្លែងការណ៍រួមមួយ បន្ទាប់ពីកិច្ចប្រជុំកំពូលអាស៊ាន បានអំពាវនាវឲ្យចិនបញ្ឈប់ការធ្វើសមយុទ្ធយោធា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្ដីថ្លែងការណ៍បន្ទាប់ពីកិច្ចពិភាក្សាក្នុងទីក្រុងភ្នំពេញ កាលពីថ្ងៃសុក្រថា “ពួកគេបានថ្កោលទោសការបាញ់មីស៊ីលផ្លោងរបស់ PRC ខណៈរដ្ឋាភិបាលជប៉ុនបានរាយការណ៍ថា ៥ គ្រាប់បានចុះចតនៅក្នុងតំបន់សេដ្ឋកិច្ចផ្ដាច់មុខរបស់ខ្លួន។ ចំណែកលោក Blinken និងរដ្ឋមន្ត្រីការបរទេសបានជំរុញឲ្យ PRC បញ្ឈប់ជាបន្ទាន់ នូវសមយុទ្ធយោធានេះ ។

សេចក្តីថ្លែងការណ៍ដែលចេញផ្សាយដោយក្រសួងការបរទេសលោក Blinken រដ្ឋមន្ត្រីការបរទេសអូស្ត្រាលីលោក Penny Wong និងរដ្ឋមន្ត្រីការបរទេសជប៉ុនលោក Hayashi Yoshimasa ក៏បាននិយាយផងដែរថា “មិនមានការផ្លាស់ប្តូរនៅក្នុងគោលនយោបាយចិនតែមួយដែលអាចអនុវត្តបាន និងគោលជំហរលើតៃវ៉ាន់របស់អូស្ត្រាលី ជប៉ុន ឬសហរដ្ឋអាមេរិក។”

គួរបញ្ជាក់ដែរថា ប្រទេសចិនបានចាប់ផ្ដើមសមយុទ្ធយោធាទ្រង់ទ្រាយធំមួយនៅច្រកសមុទ្រតៃវ៉ាន់ភាគខាងកើត ដើម្បីឆ្លើយតបទៅនឹងដំណើរទស្សនកិច្ចរបស់ប្រធានសភាអាមេរិក លោកស្រី Nancy Pelosi ទៅកាន់ទីក្រុងតៃប៉ិក្នុងសប្ដាហ៍នេះ។ ខណៈលោកស្រី Pelosi បានព្រងើយកន្តើយនឹងការព្រមានម្ដងហើយម្ដងទៀត របស់ទីក្រុងប៉េកាំង៕

ប្រែសម្រួល៖ សាង ស្រីល័ក្ខ

ប្រភព៖sputnik

ចុចអាន៖ចិន លុបចោលជំនួបជាមួយមន្ត្រីការពារជាតិ អាមេរិក ដោយសារលោកស្រី Pelosi