Connect with us

ព័ត៌មានអន្ដរជាតិ

លោក ពូទីន ស្តីបន្ទោសអាមេរិក ចំពោះជម្លោះនៅអ៊ុយក្រែន និងបញ្ហាតៃវ៉ាន់ (មានវីដេអូ)

បានផុស

នៅ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន នៅថ្ងៃអង្គារទី១៦ខែសីហានេះ បានចោទប្រកាន់ទីក្រុងវ៉ាស៊ីនតោន ថា កំពុងព្យាយាម អូសបន្លាយជម្លោះក្នុងប្រទេសអ៊ុយក្រែន និងបង្កជម្លោះនៅកន្លែងផ្សេងទៀតលើពិភពលោក រួមទាំងដំណើរទស្សនកិច្ចរបស់ប្រធានសភាសហរដ្ឋអាមេរិក លោកស្រី Nancy Pelosi ទៅកាន់កោះតៃវ៉ាន់ ផងដែរ។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងតាមរយៈ videolink ក្នុងសន្និសីទសន្តិសុខនៅទីក្រុងមូស្គូ លោក ពូទីន បាននិយាយថា “ស្ថានភាពនៅអ៊ុយក្រែនបង្ហាញថា សហរដ្ឋអាមេរិកកំពុងព្យាយាមអូសបន្លាយជម្លោះនេះ ហើយពួកគេធ្វើសកម្មភាពក្នុងវិធីដូចគ្នា ដោយជំរុញឲ្យមានសក្តានុពលសម្រាប់ជម្លោះនៅអាស៊ី អាហ្វ្រិក និងអាមេរិកឡាទីន”។

លោកបន្ថែមថា “ដំណើរផ្សងព្រេងរបស់អាមេរិក ទាក់ទងនឹងកោះតៃវ៉ាន់ មិនមែនគ្រាន់តែជាដំណើររបស់អ្នកនយោបាយដែលគ្មានទំនួលខុសត្រូវប៉ុណ្ណោះទេ ប៉ុន្តែជាផ្នែកនៃយុទ្ធសាស្ត្ររបស់សហរដ្ឋអាមេរិក ដែលមានគោលបំណង បង្កអស្ថិរភាព ហើយធ្វើឲ្យស្ថានការណ៍ក្នុងតំបន់ និងពិភពលោកមានភាពវឹកវរ”។

ប្រធានសភាសហរដ្ឋអាមេរិក លោកស្រី Nancy Pelosi (កណ្តាល)

លោកបន្តថា “ដំណើរទស្សនកិច្ចនេះគឺជាការបង្ហាញច្បាស់ៗ នៃការមិនគោរពចំពោះអធិបតេយ្យភាពប្រទេសដទៃ និងចំពោះកាតព្វកិច្ចអន្តរជាតិរបស់ទីក្រុង វ៉ាស៊ីនតោន។ យើងមើលឃើញថា នេះគឺជាការបង្កហេតុដែលបានគ្រោងទុកយ៉ាងល្អិតល្អន់”។

ទំនាក់ទំនងរវាងទីក្រុងមូស្គូ និងវ៉ាស៊ីនតោន មានភាពល្អក់កករ ចាប់តាំងពីរុស្ស៊ី ចាប់ផ្តើមអន្តរាគមន៍យោធា នៅក្នុងប្រទេស អ៊ុយក្រែនកាលពីចុងខែកុម្ភៈ។

ប្រធានាធិបតីរុស្ស៊ី លោក វ្ល៉ាឌីមៀរ ពូទីន (ឆ្វេង) និងប្រធានាធិបតីអាមេរិក លោក ចូ បៃដិន

ស្របពេលមានការដាក់ទណ្ឌកម្ម មិនធ្លាប់មានពីមុនមកពីសំណាក់លោកខាងលិច, លោក ពូទីន បានស្វែងរកការពង្រឹងទំនាក់ទំនងជាមួយបណ្តាប្រទេសក្នុងទ្វីបអាហ្រ្វិក និងអាស៊ី ជាពិសេសជាមួយប្រទេសចិន។

ទីក្រុងមូស្គូ បានបង្ហាញសាមគ្គីភាពពេញទំហឹង ជាមួយសម្ព័ន្ធមិត្តសំខាន់ៗរបស់ទីក្រុងប៉េកាំងក្នុងអំឡុងដំណើរទស្សនកិច្ចកាលពីខែសីហារបស់លោកស្រី Pelosi ទៅកាន់កោះតៃវ៉ាន់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ ចិន៖ ពិភពលោក ឃើញច្បាស់ហើយថា អ្នកណា រករឿងអ្នកណា លើបញ្ហាកោះតៃវ៉ាន់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៥ នាទី មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

ជីវិតកម្សាន្ដ៤០ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៥៦ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា៣ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

Sokha Hotels

ព័ត៌មានពេញនិយម