អង់គ្លេស ថា រុស្ស៊ី​ ​កុហក​អំពី​ចំនួន​ទាហាន ចូលរួម​ក្នុង​សមយុទ្ធ​យោធា (មានវីដេអូ)

ទីភ្នាក់ងារចារកម្មអង់គ្លេស បានឲ្យដឹងថា ចំនួនទាហានរុស្ស៊ី ដែលចូលរួមក្នុងសមយុទ្ធយុទ្ធសាស្ត្ររួមប្រចាំឆ្នាំរបស់ខ្លួន គឺទាបជាងតួលេខដែលទីក្រុងមូស្គូ អះអាងឆ្ងាយណាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រុស្ស៊ី ​បាន​ចាប់ផ្តើម​សមយុទ្ធ Vostok ឆ្នាំ២០២២ ​កាលពីថ្ងៃទី១ខែកញ្ញា។

នៅក្នុងការអាប់ដេតចុងក្រោយរបស់ខ្លួន, ក្រសួងការពារជាតិអង់គ្លេសនិយាយថា “រុស្ស៊ីបានអះអាងជាសាធារណៈថា ទាហានចំនួន ៥០០០០នាក់ នឹងចូលរួម។ ទោះបីជាយ៉ាងណាក៏ដោយ វាមិនទំនងទេដែលថា មានកងទ័ពច្រើនជាង ១៥០០០នាក់នឹងចូលរួមនៅឆ្នាំនេះ។ នេះគឺស្មើនឹងប្រហែល ២០% នៃកងកម្លាំងដែលបានចូលរួមនៅក្នុងលំហាត់ Vostok លើកចុងក្រោយកាលពីឆ្នាំ២០១៨”។

ក្រសួងបន្តថា “ដោយសារតែសកម្មភាពយោធារបស់រុស្ស៊ីនៅអ៊ុយក្រែន បណ្តាសមយុទ្ធយុទ្ធសាស្ត្រយោធារបស់រុស្ស៊ី ដូចជា Vostok ជាដើមនេះ មិនអាចធ្វើប្រតិបត្តិការក្នុងទ្រង់ទ្រាយធំបានឡើយ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ សម្ព័ន្ធមិត្តលោក ពូទីន ថា ជម្លោះនៅអ៊ុយក្រែន នឹងចប់ឆាប់ៗនេះ