ព័ត៌មានអន្ដរជាតិ

ទឹកជំនន់នៅ ប៉ាគីស្ថាន បន្តសម្លាប់មនុស្ស មួយថ្ងៃស្លាប់ជាង ៥០ នាក់

បានផុស

៤ years មុន

នៅ

ថ្ងៃសៅរ៍ ៣ កញ្ញា ២០២២

ដោយ

ទីភ្នាក់ងារគ្រោះមហន្តរាយជាតិរបស់ប្រទេសប៉ាគីស្ថាន បាននិយាយថា ទឹកជំនន់ដ៏ខ្លាំងក្លានៅតែបន្តឆក់យកជីវិតមនុស្ស ៥៧ នាក់ក្នុងរយៈពេល ២៤ ម៉ោងចុងក្រោយនេះ ខណៈចំនួនអ្នកស្លាប់សរុបបានកើនឡើងដល់ ១,២៦៥ នាក់ហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមអ្នកស្លាប់ចុងក្រោយបំផុត ៣៨នាក់ភាគច្រើនគឺត្រូវបានរាយការណ៍ពីខេត្ត Sindh ភាគខាងត្បូង ជាកន្លែងដែលទឹកជំនន់ថ្មីបានជន់លិចដីបន្ថែមទៀត នៅក្នុងស្រុកកណ្តាលក្នុងរយៈពេល ៤៨ ម៉ោងកន្លងមក ដែលជំរុញឲ្យចំនួនសរុបនៅក្នុងខេត្ត ៥០២ ចាប់តាំងពីពាក់កណ្តាលខែមិថុនា។

ចំណែកមនុស្ស ១៧ នាក់ផ្សេងទៀត ស្លាប់ក្នុងឧប្បត្តិហេតុទាក់ទងនឹងទឹកជំនន់ដាច់ដោយឡែកពីគ្នា នៅក្នុងខេត្ត Khyber Pakhtunkhwa ភាគពាយ័ព្យ ក៏ត្រូវបានរងផលប៉ះពាល់យ៉ាងខ្លាំង ដោយទឹកជំនន់ដែលបក់បោកដែលបណ្តាលមកពីភ្លៀងធ្លាក់ខ្លាំង។

គួរបញ្ចាក់ដែរថា ចាប់តាំងពីថ្ងៃទី ១៤ ខែមិថុនា មនុស្សសរុបចំនួន ២៨៥ នាក់បានស្លាប់នៅ Khyber Pakhtunkhwa បន្ទាប់មកអ្នកស្លាប់ចំនួន ២៥៧ នាក់នៅក្នុងខេត្ត Balochistan ភាគនិរតី នេះបើយោងតាមអាជ្ញាធរគ្រប់គ្រងគ្រោះមហន្តរាយជាតិ (NDMA)។ ទន្ទឹមនោះ ភ្លៀងធ្លាក់ឥតឈប់ឈរ ដោយបានបំផ្លាញហេដ្ឋារចនាសម្ព័ន្ធ និងដីកសិកម្មយ៉ាងច្រើនរបស់ប្រទេស រួមទាំងផ្ទះរាប់ម៉ឺនខ្នង ផ្លូវថ្នល់ និងស្ពាន ព្រមទាំងបានបំផ្លាញសត្វពាហនៈជាងមួយលានក្បាលផងដែរ៕

ប្រែសម្រួល៖ សាង ស្រីល័ក្ខ

ប្រភព៖AA

ចុចអាន៖ប៉ាគីស្ថាន កំពុងភ័យផ្ទុះជំងឺឆ្លងចំនួន ២ ដោយសារទឹកជំនន់