ព័ត៌មានអន្ដរជាតិ
ចិន-រុស្ស៊ី សម្រេចលែងប្រើលុយដុល្លារសម្រាប់ការផ្គត់ផ្គង់ឧស្ម័ន
ក្រុមហ៊ុនថាមពលយក្សរបស់រុស្ស៊ី Gazprom បានចុះហត្ថលេខាលើកិច្ចព្រមព្រៀងជាមួយប្រទេសចិន ដើម្បីចាប់ផ្តើមបង់ជាប្រាក់យ័ន និងប្រាក់រូបិ៍ សម្រាប់ការផ្គត់ផ្គង់ឧស្ម័ន ជំនួសឲ្យប្រាក់ដុល្លារអាមេរិក ជាការឆ្លើយតបទៅនឹងការដាក់ទណ្ឌកម្មរបស់លោកខាងលិច ។
លោក Alexei Miller នាយកប្រតិបត្តិក្រុមហ៊ុន Gazprom បាននិយាយនៅក្នុងសេចក្តីថ្លែងការណ៍មួយ បន្ទាប់ពីកិច្ចប្រជុំតាមវីដេអូជាមួយប្រធានក្រុមហ៊ុនប្រេងរបស់ប្រទេសចិន CNPC លោក Dai Houliang ថា “យន្តការទូទាត់ថ្មីនេះគឺជាដំណោះស្រាយដែលផ្តល់ផលប្រយោជន៍ទៅវិញទៅមក ទាន់ពេលវេលា គួរឲ្យទុកចិត្ត និងជាក់ស្តែង ហើយវានឹងក្លាយជាគំរូដ៏ល្អសម្រាប់ក្រុមហ៊ុនផ្សេងទៀត” ។
សេចក្តីថ្លែងការណ៍របស់ Gazprom បាននិយាយថា លោក Miller បានជូនដំណឹងដល់សមភាគីចិនរួចហើយអំពីស្ថានភាពការងារលើគម្រោងផ្គត់ផ្គង់ឧស្ម័នតាមរយៈផ្លូវភាគខាងកើត និងតាមរយៈបំពង់បង្ហូរឧស្ម័ន ‘Power of Siberia’ ដែលតភ្ជាប់បណ្តាញឧស្ម័នរុស្ស៊ី និងចិន ។
កិច្ចព្រមព្រៀងនេះគឺជាផ្នែកមួយនៃការកាត់បន្ថយការពឹងផ្អែករបស់រុស្ស៊ីលើប្រាក់ដុល្លារអាមេរិក ប្រាក់អឺរ៉ូ និងរូបិយប័ណ្ណរឹងផ្សេងទៀតដែលត្រូវបានដាក់ដោយទណ្ឌកម្មរបស់លោកខាងលិចក្នុងការឆ្លើយតបទៅនឹងសង្គ្រាមនៅអ៊ុយក្រែន ។
ថ្មីៗនេះ រុស្ស៊ីបាននិងកំពុងធ្វើការកសាងទំនាក់ទំនងសេដ្ឋកិច្ចកាន់តែជិតស្និទ្ធជាមួយប្រទេសចិន និងបណ្តាប្រទេសមិនមែនលោកខាងលិចផ្សេងទៀត ជាពិសេសគឺការផ្គត់ផ្គង់ឧស្ម័ន ខណៈរុស្ស៊ីនឹងមិនបន្តការបញ្ជូនឧស្ម័នទៅកាន់អឺរ៉ុបនោះទេ រហូតដល់ទណ្ឌកម្មរបស់លោកខាងលិចប្រឆាំងនឹងទីក្រុងមូស្គូត្រូវបានដកចេញ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
ចុចអាន ៖ បណ្ដាប្រទេសនៅ អឺរ៉ុប កំពុងមើលមុខគ្នាលែងចំ ដោយសារវិបត្តិថាមពល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ