ឥណ្ឌូណេស៊ី បង្កើនសន្តិសុខសម្រាប់កិច្ចប្រជុំកំពូល G20

ប៉ូលិសជាតិឥណ្ឌូណេស៊ី នឹងដាក់ពង្រាយមន្ត្រីជាង ៨០០០ នាក់ ដើម្បីធានាសន្តិសុខសម្រាប់កិច្ចប្រជុំកំពូល G20 លើកោះបាលី នៅថ្ងៃទី ១៥ និង ១៦ ខែវិច្ឆិកា ឆ្នាំ ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុននេះ កម្លាំងប៉ូលិសចំនួន ៦៨២៦ នាក់ ត្រូវបានរៀបចំដើម្បីធានាសុវត្ថិភាពក្នុងព្រឹត្តិការណ៍នេះ ប៉ុន្តែអគ្គស្នងការនគរបាលជាតិបានណែនាំថា ចំនួននេះត្រូវបង្កើន ២០%។

មេប៉ូលិសកោះបាលីលោក Putu Jayan Danu Putra បាននិយាយថា បុគ្គលិកមកពីអង្គភាពប៉ូលិសកោះបាលី និងប៉ូលិសប្រតិបត្តិការរបស់អគ្គស្នងការនគរបាលជាតិ (BKO) នឹងរួមគ្នាធានាសន្តិសុខក្នុងកិច្ចប្រជុំកំពូល G20។

ទន្ទឹមនឹងនោះ មេបញ្ជាការយោធាភូមិភាគ (Pangdam) និងជាមេបញ្ជាការនៃក្រុមសន្តិសុខតំបន់កោះបាលីសម្រាប់ជំនួបកំពូល G20 លោកឧត្តមសេនីយ៍ទោ Sonny Aprianto បាននិយាយថា កងទ័ព កំពុងរៀបចំផែនការដាក់ពង្រាយទាហានចំនួន ៦០០០ នាក់ ដើម្បីជួយប៉ូលិសធានាសុវត្ថិភាព។

លោក​ក៏​នឹង​ដាក់​ទាហាន​ចំនួន ​២០០០​នាក់ ឲ្យឈរជើងត្រៀមខ្លួនក្នុងករណីមានគ្រោះមហន្តរាយផងដែរ៕

ប្រែសម្រួល៖ Vann Vann

ប្រភព៖ Vietnam Plus

ចុចអាន៖ រុស្ស៊ី កំពុងសម្រេចចិត្តថាតើ លោក ពូទីន គួរចូលរួមកិច្ចប្រជុំ G20 ឬក៏អត់ ព្រោះខ្លាចគ្រោះថ្នាក់