ព័ត៌មានអន្ដរជាតិ

រដ្ឋមន្ត្រីពាណិជ្ជកម្ម G7 ព្រមព្រៀងបន្តដាក់ទណ្ឌកម្មសេដ្ឋកិច្ចប្រឆាំង រុស្ស៊ី

បានផុស

៤ years មុន

នៅ

ថ្ងៃសុក្រ ១៦ កញ្ញា ២០២២

ដោយ

រដ្ឋមន្ត្រីពាណិជ្ជកម្មមកពីក្រុមប្រទេស G7 បានព្រមព្រៀងគ្នារក្សាការដាក់ទណ្ឌកម្មសេដ្ឋកិច្ចប្រឆាំងនឹងរុស្ស៊ីក្នុងកិច្ចប្រជុំនៅខាងក្រៅទីក្រុង Berlin របស់ប្រទេសអាល្លឺម៉ង់កាលពីថ្ងៃព្រហស្បតិ៍ ។

រដ្ឋមន្ត្រីទាំងនោះបាននិយាយថា ពួកគេនឹងរក្សា និងពង្រីកកិច្ចខិតខំប្រឹងប្រែងដើម្បីការពារទីក្រុងមូស្គូពីការទទួលបានផលចំណេញ បន្ទាប់ពីសង្គ្រាមលុកលុករបស់ទីក្រុងមូស្គូលើអ៊ុយក្រែន ។

រដ្ឋមន្ត្រីបានបញ្ជាក់ទៀតថា ពួកគេនឹងបង្កើនកិច្ចខិតខំប្រឹងប្រែងដើម្បីធ្វើឲ្យច្បាប់ពាណិជ្ជកម្មអន្តរជាតិកាន់តែរឹងមាំដើម្បីដោះស្រាយកង្វល់រួមរបស់ពួកគេ ហើយពួកគេក៏បានសន្យាថា នឹងគាំទ្រដល់ការស្ដារសេដ្ឋកិច្ចឡើងវិញរបស់អ៊ុយក្រែនផងដែរតាមរយៈលំហូរពាណិជ្ជកម្ម ។

ចំណែកក្រុមអ្នកសង្កេតការណ៍បាននិយាយថា ច្បាប់ពាណិជ្ជកម្មទាំងនេះរួមបញ្ចូលការផ្ទេរបច្ចេកវិទ្យា និងការផ្ដល់ភាពអំណោយផលដល់សហគ្រាសរដ្ឋ ខណៈរដ្ឋមន្ត្រី G7 ក៏បានប្តេជ្ញាធ្វើកំណែទម្រង់អង្គការពាណិជ្ជកម្មពិភពលោកផងដែរ ។

ទោះយ៉ាងណាក្រុមអ្នករិះគន់បាននិយាយថា អង្គការនេះមិនមានភាពពេញលេញក្នុងការដោះស្រាយជម្លោះពាណិជ្ជកម្មអន្តរជាតិដែលកំពុងកើនឡើងនោះទេ ជាពិសេសបញ្ហារវាងចិន និងសហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ រុស្ស៊ី ព្រមាន អាមេរិក កុំឲ្យផ្ដល់មីស៊ីលរយៈចម្ងាយឆ្ងាយដល់ អ៊ុយក្រែន