ព័ត៌មានអន្ដរជាតិ
រុស្ស៊ី ងាកទៅប្រើរថយន្តធុនធំ បើកចល័ត រើសទាហាន ហ៊ានឲ្យប្រាក់ខែខ្ពស់
កងទ័ពរុស្ស៊ី កំពុងស្វែងរកទាហានជាប់កិច្ចសន្យាសម្រាប់អ្វីដែលខ្លួនហៅថា “ប្រតិបត្តិការយោធាពិសេស” នៅក្នុងប្រទេសអ៊ុយក្រែន ហើយពេលនេះ ពួកគេកំពុងប្រើប្រាស់រថយន្តធុនធំរើសទាហាន ដើម្បីទាក់ទាញអ្នកស្ម័គ្រចិត្ត ដោយផ្តល់ប្រាក់ជិត ៣០០០ដុល្លារក្នុងមួយខែ។
អង្គភាពពិសេសមួយ បានដាក់រថយន្តធុនធំនៅឧទ្យានកណ្តាលមួយក្នុងទីក្រុង Rostov ភាគខាងត្បូងប្រទេសរុស្ស៊ីកាលពីថ្ងៃសៅរ៍ ទី១៧ខែកញ្ញា។
ទាហានពាក់របាំងមុខខ្មៅ បានបង្ហាញកាំភ្លើងរបស់ពួកគេដល់អ្នកដំណើរដែលចាប់អារម្មណ៍ ហើយបានប្រគល់ខិត្តប័ណ្ណដែលមានសរសេរថា “សេវាយោធាជាប់កិច្ចសន្យា – ជម្រើសនៃបុរសពិត”។
លោកឧត្តមសេនីយ៍ Sergei Ardashev បាននិយាយថា “ប្រជាពលរដ្ឋដែលមានចិត្តស្នេហាជាតិ កំពុងត្រូវបានជ្រើសរើសឲ្យចុះហត្ថលេខាលើកិច្ចសន្យារយៈពេល៣ឬ៦ខែ ដើម្បីចូលរួមក្នុងប្រតិបត្តិការយោធាពិសេស”។
ប្រាក់ឈ្នួលអប្បបរមាប្រចាំខែដែលត្រូវបានផ្តល់ជូនគឺ ១៦០ ០០០ រូប្លិ៍ល (២៧០០ដុល្លារអាមេរិក) ដែលស្ទើរតែបីដង នៃប្រាក់ខែកងទ័ពជាតិ។
ទាំងរុស្ស៊ី និងអ៊ុយក្រែន មិនបានបង្ហាញជាក់លាក់អំពីការបាត់បង់យោធារបស់ពួកគេនោះទេ ប៉ុន្តែទីភ្នាក់ងារចារកម្មលោកខាងលិច បានប៉ាន់ស្មានថា មានកងទ័ពស្លាប់រាប់ម៉ឺននាក់ទាំងសងខាង។
ទីក្រុងមូស្គូ មិនបានធ្វើបច្ចុប្បន្នភាពចំនួនអ្នកស្លាប់ជាផ្លូវការឡើយចាប់តាំងពីថ្ងៃទី២៥ខែមីនាមក ដែលនៅពេលនោះ ខ្លួននិយាយថា ទាហានរុស្ស៊ីចំនួន ១៣៥១ នាក់ត្រូវបានសម្លាប់ និង ៣៨២៥នាក់រងរបួស៕
ប្រែសម្រួល៖ Vann Vann
ប្រភព៖ CNA
ចុចអាន៖ លោក Zelensky ថា ទីតាំងធ្វើទារុណកម្មយ៉ាងតិច ១០ កន្លែង ត្រូវបានរកឃើញក្នុងតំបន់ ទើបរំដោះបាន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង