Connect with us

ព័ត៌មានអន្ដរជាតិ

ចិន ព្រមានថា សង្រ្គាមត្រជាក់ជាមួយអាមេរិក នឹងក្លាយជាមហន្តរាយសម្រាប់ពិភពលោកទាំងមូល (មានវីដេអូ)

បានផុស

នៅ

រដ្ឋមន្ត្រីការបរទេសលោក Wang Yi បាននិយាយថា ទស្សនៈរបស់ទីក្រុងវ៉ាស៊ីនតោន ចំពោះប្រទេសចិនគឺ “ខុសទាំងស្រុង” ហើយថា ទីក្រុងប៉េកាំង មិនគួរត្រូវបានគេមើលឃើញថាជា គូប្រកួតប្រជែងនោះទេ។

រដ្ឋមន្ត្រីការបរទេសលោក Wang Yi

បន្ទាប់ពីជួបជាមួយអតីតរដ្ឋមន្ត្រីការបរទេសអាមេរិក Henry Kissinger កាលពីថ្ងៃចន្ទទី១៩ខែកញ្ញា, រដ្ឋមន្ត្រីការបរទេសចិន លោក Wang Yi បានព្រមានថា សង្រ្គាមត្រជាក់រវាងចិន និងអាមេរិក នឹងក្លាយជា “មហន្តរាយ” សម្រាប់ប្រជាជាតិទាំងពីរ និងពិភពលោកទាំងមូល។

លោក Wang Yi បានហៅលោក Kissinger ដែលដើរតួសំខាន់ក្នុងការជួសជុលទំនាក់ទំនងរវាងទីក្រុងវ៉ាស៊ីនតោន និងទីក្រុងប៉េកាំងក្នុងទសវត្សរ៍ឆ្នាំ១៩៧០ ថាជា “មិត្តល្អរបស់ប្រជាជនចិន”។

រដ្ឋមន្ត្រីការបរទេសលោក Wang Yi (ឆ្វេង) និងអតីតរដ្ឋមន្ត្រីការបរទេសអាមេរិក Henry Kissinger

ទោះបីជាយ៉ាងណាក៏ដោយ អ្នកការទូតកំពូលរបស់ទីក្រុងប៉េកាំង បានចេញការព្រមានដោយនិយាយថា “ការចាប់ផ្តើមនៃសង្គ្រាមត្រជាក់ថ្មី នឹងក្លាយជាមហន្តរាយសម្រាប់ប្រទេសចិន និងសហរដ្ឋអាមេរិក ក៏ដូចជាតំបន់ផ្សេងទៀតនៃពិភពលោកដែរ។ ទន្ទឹមនោះ លោកបានជំរុញឲ្យទីក្រុងវ៉ាស៊ីនតោន ចាត់វិធានការសមស្រប និងជាក់ស្តែងចំពោះប្រទេសចិន។

លោក Wang ថ្លែងថា ក្រោមគោលនយោបាយ “ចិនតែមួយ” ទីក្រុងវ៉ាស៊ីនតោនអាចធ្វើកិច្ចការនេះ ដោយរក្សាការទទួលស្គាល់លើកមុនរបស់ខ្លួន តៃវ៉ាន់គឺជាផ្នែកមួយនៃទឹកដីរបស់ចិន។

លោកស្រី Nancy Pelosi ធ្វើដំណើរទស្សនកិច្ចទៅកាន់កោះតៃវ៉ាន់

លោក Wang Yi អះអាងថា ដំណើរទស្សនកិច្ចនាពេលថ្មីៗនេះរបស់លោកស្រី Nancy Pelosi ទៅកាន់កោះតៃវ៉ាន់ និងច្បាប់គោលនយោបាយតៃវ៉ាន់ឆ្នាំ២០២២ ដែលអនុម័តដោយសភាអាមេរិក គឺជារឿងមិនល្អទាល់តែសោះសម្រាប់ទំនាក់ទំនងរវាងចិន-អាមេរិក។

គួរបញ្ជាក់ថា ការអះអាងរបស់លោក Wang ធ្វើឡើងបន្ទាប់ពីសេចក្តីប្រកាសរបស់ប្រធានាធិបតីអាមេរិកលោក Joe Biden កាលពីថ្ងៃអាទិត្យដែលថា កងកម្លាំងអាមេរិកនឹងការពារកោះតៃវ៉ាន់ ក្នុងករណីដែលចិនឈ្លានពាន។ ទីក្រុងប៉េកាំងបានសម្តែងការមិនសប្បាយចិត្តចំពោះសេចក្តីប្រកាសនេះ ដោយបញ្ជាក់ថា ខ្លួនសូមជំទាស់យ៉ាងដាច់អហង្ការ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ចិនព្រមានអាមេរិក ថា សង្គ្រាម ច្បាស់ជាផ្ទុះឡើង បើតៃវ៉ាន់ ប្រកាសឯករាជ្យ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម