Connect with us

ព័ត៌មានអន្ដរជាតិ

វីដេអូស្តែងៗ រុស្ស៊ី បាញ់ស្រោចដូចគ្រាប់ភ្លៀង លើភូមិដែល អ៊ុយក្រែន ទើបរំដោះបាន

បានផុស

នៅ

ក្រសួងការពារជាតិអ៊ុយក្រែន បានចែករំលែកវីដេអូគួរឲ្យរន្ធត់មួយ ដែលបង្ហាញពីរុស្ស៊ី បាញ់ស្រោចដូចគ្រាប់ភ្លៀង លើភូមិមួយរបស់ អ៊ុយក្រែន ដោយកម្ទេចអគារ និងភ្លឺពេញផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ុយក្រែនអះអាងថា ភូមិ Ozerne ដែលទើបរំដោះបានក្នុងទីក្រុង Donetsk ត្រូវបានកំណត់គោលដៅដោយកងកម្លាំងវិមានក្រឹមឡាំង ពោលគឺត្រឹមតែប៉ុន្មានថ្ងៃប៉ុណ្ណោះ បន្ទាប់ទីក្រុងកៀវ បើកការវាយបកដូចផ្លេកបន្ទោរ ដណ្តើមទឹកដីមកវិញ។ 

ក្រសួងការពារជាតិអ៊ុយក្រែន បានចែករំលែកវីដេអូកាលពីថ្ងៃអង្គារទី ២០ខែកញ្ញា ដោយនិយាយថា “គ្រាប់កាំភ្លើង 9M22S របស់រុស្ស៊ី បានធ្លាក់លើភូមិ Ozerne ដែលទើបរំដោះបានក្នុងតំបន់ Donetsk”។

Ozerne គឺជាភូមិមួយនៅក្រុង Bakhmut Raion ក្នុងតំបន់ Donetsk ភាគខាងកើតប្រទេសអ៊ុយក្រែន។

វីដេអូនេះ ត្រូវបានបញ្ចេញ មុនពេលប្រធានាធិបតីរុស្ស៊ី លោក វ្ល៉ាឌីមៀរ ពូទីន ប្រកាសពីការកែនទ័ពមួយផ្នែកក្នុងប្រទេសរុស្ស៊ី ខណៈសង្រ្គាមនៅអ៊ុយក្រែន ឈានជិតដល់ខែទី៧។

សុន្ទរកថារបស់លោក ពូទីន ទៅកាន់ជនរួមជាតិ បានកើតឡើងមួយថ្ងៃ បន្ទាប់ពីតំបន់គ្រប់គ្រងដោយរុស្ស៊ីនៅភាគខាងកើត និងភាគខាងត្បូងអ៊ុយក្រែន បានប្រកាសផែនការរៀបចំការបោះឆ្នោតដើម្បីក្លាយជាផ្នែកនៃប្រទេសរុស្ស៊ី។

កិច្ចខិតខំប្រឹងប្រែងដែលគាំទ្រដោយវិមានក្រឹមឡាំង ដើម្បីលេបយកតំបន់ចំនួន៤ អាចកំណត់ជាដំណាក់កាលកាន់តែសំខាន់សម្រាប់ទីក្រុងមូស្គូក្នុងសង្រ្គាម បន្ទាប់ពីអ៊ុយក្រែនទទួលជោគជ័យនៅលើសមរភូមិ។

ការបោះឆ្នោតប្រជាមតិ នឹងចាប់ផ្តើមនៅថ្ងៃសុក្រក្នុងតំបន់ Luhansk, Kherson និងផ្នែកមួយដែលគ្រប់គ្រងដោយរុស្ស៊ីគឺ Zaporizhzhia និង Donetsk៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទីបំផុត រុស្ស៊ី បង្ហាញចំនួនទាហានរបស់ខ្លួន ស្លាប់នៅអ៊ុយក្រែន ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម