Connect with us

ព័ត៌មានអន្ដរជាតិ

ក្រុមហ៊ុន Pfizer ពន្យារពេលដឹកជញ្ជូនវ៉ាក់សាំងទៅប្រទេសចំនួន ៨ នៅអឺរ៉ុប ដោយសារបញ្ហានេះ

បានផុស

នៅ

ក្រសួងសុខាភិបាលអេស្ប៉ាញបានបង្ហើបឲ្យដឹងកាលពីថ្ងៃចន្ទថា ការដឹកជញ្ជូនវ៉ាក់សាំងរបស់ក្រុមហ៊ុន Pfizer-BioNTech ទៅប្រទេសអេស្ប៉ាញ និងប្រទេសសហភាពអ៊ឺរ៉ុបចំនួន ៧ ផ្សេងទៀតត្រូវបានពន្យាពេលដោយសារបញ្ហាក្នុងដំណើរការផ្ទុក និងដឹកជញ្ជូន ។

អេស្ប៉ាញបានចាប់ផ្តើមយុទ្ធនាការចាក់វ៉ាក់សាំងនៅថ្ងៃទី ២៧ ធ្នូ បន្ទាប់ពីវ៉ាក់សាំង Pfizer-BioNTech ទទួលបានភ្លើងខៀវពីទីភ្នាក់ងារឱសថអឺរ៉ុប (EMA) កាលពីថ្ងៃចន្ទ ។ កញ្ចប់នៃវ៉ាក់សាំងដំបូងត្រូវបានដឹកជញ្ជូនទៅទូទាំងប្លុកដែលមានសមាជិក ២៧ ប្រទេស ។ ទោះយ៉ាងណាទីក្រុង Madrid បាននិយាយថា ខ្លួនត្រូវបានជូនដំណឹងដោយសាខាក្រុមហ៊ុន Pfizer នៅអេស្ប៉ាញកាលពីយប់ថ្ងៃអាទិត្យអំពីការពន្យារពេលចែកចាយវ៉ាក់សាំងរយៈពេលមួយថ្ងៃ បន្ទាប់ពីបញ្ហាមួយចំនួនបានលេចចេញនៅរោងចក្ររបស់ក្រុមហ៊ុននៅប៊ែលហ្សិក ។

ទន្ទឹមនោះក្រុមហ៊ុន BioNTech បានបង្ហើបឲ្យដឹងក្នុងពេលធ្វើបទបង្ហាញមួយថា វ៉ាក់សាំងរបស់ពួកគេគួរតែត្រូវបានរក្សាទុកក្នុងបរិយាកាសសីតុណ្ហភាពទាបបំផុតប្រហែល -៧០ អង្សាសេ ហើយបញ្ជូនទៅមជ្ឈមណ្ឌលចែកចាយក្នុងធុងដាក់ទឹកកកស្ងួត ។ បន្ទាប់មកវាអាចត្រូវបានរក្សាទុករហូតដល់ ៥ ថ្ងៃនៅសីតុណ្ហភាព ២ ទៅ ៨ អង្សាសេ នៅពេលយកចេញពីទូទឹកកក ។

បន្ថែមពីនេះមុនពេលការប្រកាសរបស់ក្រសួងសុខាភិបាលអេស្ប៉ាញ ការពន្យារពេលចាក់ថ្នាំបង្ការក៏ត្រូវបានគេរាយការណ៍នៅក្នុងទីក្រុងជាច្រើនផងដែររបស់ប្រទេសអាល្លឺម៉ង់ បន្ទាប់ពីវាត្រូវបានគេបង្ហាញថា វ៉ាក់សាំងប្រហែល ១,០០០ ដូសពីក្រុមហ៊ុន Pfizer-BioNTech មិនត្រូវបានរក្សាទុកនៅក្នុងកន្លែងត្រជាក់គ្រប់គ្រាន់ទេក្នុងពេលដឹកជញ្ជូនចែកចាយ ។

អឺរ៉ុបបានចាប់ផ្តើមចាក់វ៉ាក់សាំងប្រឆាំងនឹងជំងឺកូវីដ ១៩ កាលពីសប្តាហ៍មុនដោយការចាក់លើកដំបូងត្រូវបានទទួលដោយក្រុមងាយរងគ្រោះបំផុតរួមទាំងមនុស្សចាស់ និងបុគ្គលិកថែទាំសុខភាពក៏ដូចជាអ្នកនយោបាយជាដើម ខណៈប្រជាជនអេស្ប៉ាញប្រមាណ ៧០ ភាគរយត្រូវបានរំពឹងថានឹងទទួលការចាក់ថ្នាំបង្ការនៅចុងរដូវក្តៅនេះ ។

គួរបញ្ជាក់ថា វ៉ាក់សាំងក្រុមហ៊ុន Pfizer-BioNTech មានអត្រាប្រសិទ្ធភាព ៩៥ ភាគរយប្រឆាំងនឹងជំងឺកូវីដ ១៩ ហើយត្រូវបានអនុម័តពីនិយតករឱសថរបស់អង់គ្លេស ភ្នាក់ងារ​និយតកម្ម​ឱសថ និង​ផលិតផល​ថែទាំ​សុខភាព (MHRA) និងភ្នាក់ងារចំណីអាហារ និងឱសថអាមេរិក (FDA) កាលពីដើមខែធ្នូនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ដោយសារកំហុសមួយ វ៉ាក់សាំងកូវីដជិត៥០០ដូសត្រូវបោះចោលទទេៗ

ចុចអាន ៖ ស្រ្តីម្នាក់ប្រាប់ពីផលវិបាកចម្លែកៗក្រោយជាសះស្បើយពីជំងឺកូវីដ១៩

Helistar Cambodia - Helicopter Charter Services
Sokimex Investment Group
ព័ត៌មានជាតិ១០ នាទីutes មុន

លោក តាន់ ហ្សង់ហ្វ្រង់ស្វ័រ÷ ករណីយល់ច្រឡំគ្នារវាងសមាជិកសភាជប៉ុន ជាមួយទូតកម្ពុជា មិនអាចធ្វើឱ្យទំនាក់ទំនងកម្ពុជាជប៉ុនស្រុតចុះឡើយ

សន្តិសុខសង្គម៣ ម៉ោង មុន

សមត្ថកិច្ចខណ្ឌកំបូល ឃាត់ម៉ូតូ​ដែល​ប្រេីប្រាស់​សុីម៉ាំង​បំពង​សំឡេង​កែច្នៃ​១០គ្រឿង

សេចក្ដីជូនដំណឹង៤ ម៉ោង មុន

ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស

ព័ត៌មានជាតិ៤ ម៉ោង មុន

អាជ្ញាធរខេត្តជាប់ព្រំដែន អះអាងថា ច្រកទ្វាររវាងកម្ពុជា-ថៃ គឺដំណើរការធម្មតា ពុំមានការបិទឡើយ

សេចក្ដីជូនដំណឹង៤ ម៉ោង មុន

ក្រុមហ៊ុន WOWNOW ពង្រីកចំនួនរថយន្តតាក់ស៊ីថ្មី ១០០គ្រឿងបន្ថែម!

Sokha Hotels

ព័ត៌មានពេញនិយម