ព័ត៌មានអន្ដរជាតិ
នៅ UN, រុស្ស៊ី និយាយការពារសង្គ្រាមរបស់ខ្លួនក្នុងប្រទេស អ៊ុយក្រែន
មេដឹកនាំពិភពលោកនៅអង្គការសហប្រជាជាតិ បានអំពាវនាវឲ្យទីក្រុងមូស្គូ ទទួលខុសត្រូវចំពោះការរំលោភសិទ្ធិមនុស្សនៅក្នុងប្រទេសអ៊ុយក្រែន ខណៈរដ្ឋមន្ត្រីការបរទេសរុស្ស៊ី លោក Sergey Lavrov បាននិយាយការពារសង្គ្រាមរបស់ខ្លួន។
ថ្លែងទៅកាន់កិច្ចប្រជុំនៃក្រុមប្រឹក្សាសន្តិសុខអង្គការសហប្រជាជាតិ ស្តីពីអំពើឃោរឃៅដែលគេសង្ស័យថាបានប្រព្រឹត្តនៅក្នុងប្រទេសអ៊ុយក្រែនចាប់តាំងពីការលុកលុយរបស់រុស្ស៊ីកាលពីថ្ងៃទី២៤ខែកុម្ភៈមក, លោក Lavrov កាលពីថ្ងៃព្រហស្បតិ៍ទី២២ខែកញ្ញា បានចោទប្រកាន់អ៊ុយក្រែនថា បានដាក់ការគំរាមកំហែងប្រឆាំងសន្តិសុខរុស្ស៊ី និងជាន់ឈ្លី សិទ្ធិរបស់ប្រជាជនរុស្ស៊ីនិងអ្នកនិយាយភាសារុស្ស៊ីនៅក្នុងប្រទេស អ៊ុយក្រែន។
លោក Lavrov បានថ្លែងថា “ខ្ញុំសូមបញ្ជាក់ប្រាប់អ្នកថា យើងនឹងមិនទទួលយករឿងនេះឡើយ។ អ្វីគ្រប់យ៉ាងដែលខ្ញុំនិយាយនៅថ្ងៃនេះ គ្រាន់តែបញ្ជាក់ថា ការសម្រេចចិត្តដើម្បីធ្វើប្រតិបត្តិការយោធាពិសេសគឺជៀសមិនរួចនោះទេ”។
លោកនិយាយទៀតថា “ប្រទេសដែលផ្គត់ផ្គង់សព្វាវុធដល់អ៊ុយក្រែន និងបណ្តុះបណ្តាលទាហានរបស់ទីក្រុងកៀវ គឺជាភាគីនៃជម្លោះ។ លោកខាងលិច ដែលបង្កើតជម្លោះនេះដោយចេតនា នៅតែគ្មាននរណាផ្តន្ទាទោស។ សម្ព័ន្ធមិត្តលោកខាងលិចរបស់អ៊ុយក្រែន បានបិទបាំងឧក្រិដ្ឋកម្មនៃរបបទីក្រុងកៀវ”។
ស្របពេលជាមួយគ្នានោះដែរ រដ្ឋមន្ត្រីការបរទេសសហរដ្ឋអាមេរិក លោក Antony Blinken បានសន្យាថា ទីក្រុងវ៉ាស៊ីនតោន នឹងបន្តគាំទ្រអ៊ុយក្រែនដើម្បីការពារខ្លួន។
លោក Blinken បានប្រាប់ក្រុមប្រឹក្សានេះថា “សណ្តាប់ធ្នាប់អន្តរជាតិដែលយើងបានប្រមូលផ្តុំនៅទីនេះដើម្បីថែរក្សា កំពុងត្រូវបានបំផ្លាញនៅនឹងភ្នែករបស់យើង។ យើងមិនអាចឲ្យលោកប្រធានាធិបតីរុស្ស៊ី វ្ល៉ាឌីមៀរ ពូទីន គេចចេញបានទេ”។
សហរដ្ឋអាមេរិក បានប្រកាសជំនួយយោធាថ្មីក្នុងទំហំទឹកប្រាក់ជិត ៣ពាន់លានដុល្លារទៅឲ្យអ៊ុយក្រែនកាលពីខែមុន ដែលធ្វើឲ្យវាក្លាយជាកញ្ចប់ជំនួយធំបំផុតរបស់សហរដ្ឋអាមេរិកសម្រាប់អ៊ុយក្រែន ចាប់តាំងពីកងកម្លាំងរុស្ស៊ីចូលវាយលុកប្រទេសជិតខាង៕
ប្រែសម្រួល៖ Vann Vann
ប្រភព៖ Aljazeera
ចុចអាន៖ ប្រជាជនរុស្ស៊ី សម្រុកចេញពីប្រទេស ក្រោយលោក ពូទីន ប្រកាសកែនទ័ព
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore