ព័ត៌មានអន្ដរជាតិ
ប្រជាជនរុស្ស៊ី សម្រុកចេញពីប្រទេស ក្រោយលោក ពូទីន ប្រកាសកែនទ័ព (មានវីដេអូ)
សំបុត្រយន្តហោះចាកចេញពីប្រទេសរុស្ស៊ី បានលក់អស់គ្មានសល់ត្រឹមមួយប៉ប្រិចភ្នែក ខណៈជនជាតិរុស្ស៊ីជាច្រើននាក់ បានសម្រុកចាកចេញ បន្ទាប់ពីលោកប្រធានាធិបតី វ្ល៉ាឌីមៀរ ពូទីន ប្រកាសកែនទាហាន សម្រាប់សង្គ្រាមរបស់ទីក្រុងមូស្គូនៅអ៊ុយក្រែន។
ការស្វែងរកក្នុងគេហទំព័រកក់ជើងហោះហើរដ៏ពេញនិយមបំផុតរបស់រុស្ស៊ីគឺ Aviasales មានការកើនឡើងយ៉ាងខ្លាំង។ នេះបើយោងតាមទិន្នន័យរបស់ Google Trends។
ទិន្នន័យរបស់ Aviasales បានបង្ហាញថា សំបុត្រសម្រាប់ជើងហោះហើរត្រង់ពីទីក្រុងមូស្គូទៅកាន់ទីក្រុងអ៊ីស្តង់ប៊ុល នៃប្រទេសតួកគី និង យ៉េរ៉េវ៉ាន់ នៃប្រទេសអាមេនី ត្រូវបានលក់អស់គ្មានសល់កាលពីថ្ងៃពុធទី២១ខែកញ្ញា ព្រោះប្រទេសទាំង២នេះ អនុញ្ញាតឲ្យជនជាតិរុស្ស៊ីចូលដោយមិនចាំបាច់មានទិដ្ឋាការ។
សំបុត្រសម្រាប់ជើងហោះហើរដែលដំណើរការដោយក្រុមហ៊ុន Air Serbia ពីទីក្រុង មូស្គូ ទៅ ប៊េលក្រាដ ក៏លក់អស់ផងដែរ។
តម្លៃសម្រាប់សំបុត្រមួយជើងទៅកាន់ប្រទេសតួកគី បានហក់ឡើងខ្ពស់ដល់ទៅជិត ១១៥០ដុល្លារ ពោលគឺកើនឡើងបីដង បើធៀបនឹងប្រហែល ៣៦០ដុល្លារ កាលពីសប្តាហ៍មុន។
តម្លៃសំបុត្រទៅឌូបៃក៏កើនឡើងផងដែរ ដោយសំបុត្រថ្នាក់សេដ្ឋកិច្ចថោកបំផុត គឺ៤៩០០ដុល្លារ។
ប្រភពមួយបានប្រាប់រ៉យទ័រថា ប្រជាជននៅតែប្រញាប់ប្រញាល់ចាកចេញពីប្រទេស ដោយបារម្ភថា ពួកគេនឹងមិនអាចចេញរួចឡើយបើនៅតែបង្អង់យូរ។
លោក ពូទីន មិនបានបញ្ជាក់អំពីចំនួនមនុស្សដែលនឹងត្រូវហៅឲ្យចូលបំពេញកាតព្វកិច្ចកងទ័ពនោះទេ ប៉ុន្តែនិយាយថា ក្រសួងការពារជាតិនឹងកំណត់តួលេខនេះ។
នៅក្នុងបទសម្ភាសន៍តាមទូរទស្សន៍ រដ្ឋមន្ត្រីការពារជាតិលោក Sergei Shoigu បាននិយាយថា ដំបូងទាហានបម្រុងចំនួន ៣០០ ០០០ នាក់នឹងត្រូវបានកែន ប៉ុន្តែសង្កត់ធ្ងន់ថា ក្រឹត្យនេះអនុវត្តចំពោះតែអ្នកដែលមានបទពិសោធន៍ប្រយុទ្ធ និងសេវាកម្មពាក់ព័ន្ធប៉ុណ្ណោះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Abs-Cbn
ចុចអាន៖ ផ្ទុះបាតុកម្មប្រឆាំងលោក ពូទីន នៅរុស្ស៊ី, មនុស្សរាប់ពាន់នាក់ត្រូវចាប់ខ្លួន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)