Connect with us

ព័ត៌មានអន្ដរជាតិ

លោក ចូ បៃដិន ជួបរឿងអាម៉ាស់នៅលើឆាក ក្រោយថ្លែងសុន្ទរកថា

បានផុស

នៅ

លោក ចូ បៃដិន អាយុ ៧៩ ឆ្នាំ បានជួបរឿងអាម៉ាស់ជាសាធារណៈម្តងទៀត កាលពីល្ងាចថ្ងៃព្រហស្បតិ៍ នៅពេលដែលលោកវង្វេង ខណៈដើរចេញពីឆាក បន្ទាប់ពីថ្លែងសុន្ទរកថានៅឯសន្និសីទមូលនិធិសកល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលការទះដៃអបអរបានបន្លឺឡើង ប្រធានាធិបតីអាមេរិករូបនេះ បានចាប់ផ្តើមដើរចុះពីឆាក តែបានឈប់មួយភ្លែត ហើយសម្លឹងមើលជុំវិញ ទាំងទឹកមុខវិលវល់។

បន្ទាប់មក លោកបានសួរមនុស្សនៅខាងក្រោមថា ត្រូវដើរចុះដោយរបៀបណា។

នៅលើ Twitter, សមាជិកព្រឹទ្ធសភារដ្ឋតិចសាស់ Ted Cruz បានហៅរឿងនេះថា “រន្ធត់” ខណៈទីប្រឹក្សាទំនាក់ទំនងរបស់លោក គឺ Steve Guest និយាយថា “លោក ចូ បៃដិន បានវង្វេងនៅលើឆាក។ គួរឲ្យខ្លាច និងសោកសៅ”។

ឃ្លីបនេះត្រូវបានចែកចាយនៅលើប្រព័ន្ធផ្សព្វផ្សាយសង្គម ធ្វើឲ្យគេជជែកវែកញែកគ្នាយ៉ាងខ្លាំងអំពីកាយសម្បទា និងផ្លូវចិត្តរបស់លោក បៃដិន សម្រាប់តំណែងជាប្រធានាធិបតី។

កាលពីថ្ងៃអាទិត្យសប្តាហ៍មុន ក្នុងអំឡុងបទសម្ភាសន៍រយៈពេល៦០នាទី លោក បៃដិន បានបញ្ចេញយោបល់ថា លោកចាស់ពេកហើយ ឬមិនសមឈរឈ្មោះជាថ្មីទេ ក្នុងការបោះឆ្នោតឆ្នាំ២០២៤។

គួរបញ្ជាក់ថា នេះមិនមែនជាលើកទី១ទេ ដែលលោក បៃដិន ជួបរឿងអាម៉ាស់។ ពីមុន ប្រធានាធិបតីអាមេរិក រូបនេះ ក៏បានជិះកង់ដួល និងចំពប់ជើងលើជណ្តើរយន្តហោះផងដែរ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ភ្ញាក់ផ្អើលគ្រប់គ្នា! លោក ចូ បៃដិន និយាយថា ខ្លួនមានជំងឺមហារីក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម