Connect with us

ព័ត៌មានអន្ដរជាតិ

ចិនចោទអាមេរិកថាបង្កហេតុក្រោយបើកនាវាចម្បាំងឆ្លងកាត់ច្រកសមុទ្រតៃវ៉ាន់

បានផុស

នៅ

កងទ័ពជើងទឹកអាមេរិកបាននិយាយថា នាវាចម្បាំងអាមេរិកចំនួន ២ គ្រឿងបានបើកឆ្លងកាត់ច្រកសមុទ្រតៃវ៉ាន់នៅថ្ងៃព្រហស្បតិ៍ ទី៣១ ខែធ្នូ នេះ ហើយវាជាបេសកកម្មលើកទី ២ ក្នុងខែនេះ និងជិត ២ សប្តាហ៍ បន្ទាប់ពីក្រុមនាវាដឹកយន្តហោះចិនបានបើកលើផ្លូវទឹកដូចគ្នានេះ ។

កងនាវាចរអាមេរិកបាននិយាយថា នាវាពិឃាតដឹកមីស៊ីល USS John S McCain និង USS Curtis Wilbur បានអនុវត្តការឆ្លងកាត់តាមច្រកសមុទ្រតៃវ៉ាន់នៅថ្ងៃទី ៣១ ធ្នូ ស្របតាមច្បាប់អន្តរជាតិ ។ ការឆ្លងកាត់របស់នាវានៅច្រកសមុទ្រតៃវ៉ាន់បង្ហាញពីការប្តេជ្ញាចិត្តរបស់សហរដ្ឋអាមេរិកចំពោះតំបន់ឥណ្ឌូប៉ាស៊ីហ្វិកដោយសេរី និងបើកចំហ ។ យោធាសហរដ្ឋអាមេរិកនឹងបន្តហោះហើរ ការធ្វើនាវាចរណ៍ និងប្រតិបត្តិការនៅកន្លែងណាដែលច្បាប់អន្តរជាតិអនុញ្ញាត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការបើកកប៉ាល់លើទី ១៨ ឆ្លងកាត់ច្រកសមុទ្រដោយកងនាវាចរអាមេរិកនៅឆ្នាំនេះ ។

ទន្ទឹមនោះក្រសួងការពារជាតិចិនបានរិះគន់ដំណើរទស្សនកិច្ចនេះថាជាការបង្កហេតុ និងជាការបង្ហាញកម្លាំងមួយដោយបន្ថែមថា កប៉ាល់ និងយន្តហោះចិនក៏បានដេញតាមនាវាអាមេរិកផងដែរ ។

ក្រសួងបាននិយាយថា “កងទ័ពរំដោះប្រជាជនចិនបានរក្សាការប្រុងប្រយ័ត្នខ្ពស់គ្រប់ពេលដើម្បីឆ្លើយតបរាល់ការគំរាមកំហែង និងការញុះញង់គ្រប់ពេលវេលា និងការពារអធិបតេយ្យភាពជាតិ និងបូរណភាពទឹកដីយ៉ាងម៉ឺងម៉ាត់” ។

ប្រទេសចិនដែលអះអាងថា កោះតៃវ៉ាន់ជាទឹកដីរបស់ខ្លួនមានការខឹងសម្បារយ៉ាងខ្លាំងចំពោះសកម្មភាពរបស់អាមេរិក បន្ទាប់ពីប្រទេសបានគាំទ្រកោះតៃវ៉ាន់រួមទាំងការលក់អាវុធ និងការបើកនាវាចម្បាំងតាមច្រកសមុទ្រតៃវ៉ាន់ដែលធ្វើឲ្យមានទំនាក់ទំនងរវាងទីក្រុងប៉េកាំង និងវ៉ាស៊ីនតោនកាន់តែតានតឹង ៕

ប្រែសម្រួលដោយ ៖ ជីវ័ន្ត

ប្រភព ៖ CNA

ចុចអាន ៖ ព្រឹត្តិការណ៍សំខាន់ៗដែលវីរុសកូរ៉ូណាធ្វើឲ្យពិភពលោកភ័យខ្លាចក្នុងឆ្នាំ ២០២០

ចុចអាន ៖ មនុស្ស២៨នាក់ត្រូវសម្លាប់ក្នុងការវាយប្រហារលើរថយន្តក្រុងនៅ ស៊ីរី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង១ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម