Connect with us

ព័ត៌មានអន្ដរជាតិ

ថៃ ផ្ដល់សំណងជិត ៣ ពាន់ដុល្លារដល់គ្រួសារជនរងគ្រោះដែលស្លាប់ក្នុងការ​បាញ់ប្រហារ

បានផុស

នៅ

ក្រសួងយុត្តិធម៌ថៃនឹងផ្តល់សំណងរហូតដល់ ១១ ម៉ឺនបាត ឬជិត ៣,០០០ ដុល្លារអាមេរិក សម្រាប់ក្រុមគ្រួសារជនរងគ្រោះនីមួយៗនៃអ្នកស្លាប់ទាំង ៣៨ នាក់ក្នុងហេតុការណ៍សម្លាប់រង្គាលកាលពីថ្ងៃព្រហស្បតិ៍នៅខេត្ត Nong Bua Lamphu ។

លោក Somsak Thepsuthin
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងយុត្តិធម៌ថៃលោក Somsak Thepsuthin កាលពីថ្ងៃព្រហស្បតិ៍បាននិយាយថា នៅក្រោមច្បាប់សំណងជនរងគ្រោះដោយឧក្រិដ្ឋកម្ម គ្រួសារនៃអ្នកស្លាប់នៅក្នុងការសម្លាប់រង្គាលនេះមានសិទ្ធិទទួលបានសំណងរហូតដល់ ១១ ម៉ឺនបាត ឬជិត ៣,០០០ ដុល្លារអាមេរិកក្នុងម្នាក់ៗ ។ ចំនួនទឹកប្រាក់ទាំងនេះរួមមាន ៥០,០០០ បាតសម្រាប់មរណភាព, ២០,០០០ បាតសម្រាប់ពិធីបុណ្យសព និង ៤០,០០០ បាតសម្រាប់ការបាត់បង់ប្រាក់ចំណូលគ្រួសារ ។

ចំណែកអ្នករងរបួសក្នុងការបាញ់ប្រហារនេះមានសិទ្ធិទទួលបានសំណងអតិបរមា ៤០,០០០ បាតសម្រាប់ការព្យាបាលវេជ្ជសាស្រ្ត និងរហូតដល់ ២០,០០០ បាតសម្រាប់ថ្លៃស្តារផ្លូវចិត្ត និងរាងកាយ ។

ទន្ទឹមនោះ ពួកគេក៏នឹងទទួលបានសំណងសម្រាប់ការបាត់បង់ប្រាក់ចំណូលនៅប្រាក់ឈ្នួលអប្បបរមាប្រចាំថ្ងៃក្នុងស្រុកចំនួន ៣១៥ បាត ក៏ដូចជារហូតដល់ ៥០,០០០ បាតសម្រាប់ការខូចខាតផ្សេងទៀតផងដែរ ។

បន្ថែមពីនេះ លោក Somsak បានបញ្ជាឲ្យមន្ត្រីមកពីការិយាល័យយុត្តិធម៌ខេត្តភាគឦសាន ចុះសួរសុខទុក្ខគ្រួសារជនរងគ្រោះ ហើយលោក​បាន​បញ្ជា​ឲ្យ​មន្ត្រី​អនុវត្ត និង​ទូទាត់​សំណង​នេះ​ឲ្យ​បាន​លឿន​តាម​ដែល​អាច​ធ្វើ​ទៅ​បានផងដែរ ។

គួររំឭកថា ការសម្លាប់រង្គាលដោយអតីតប៉ូលិសថៃម្នាក់ឈ្មោះ Panya Khamrap អាយុ ៣៤ ឆ្នាំកាលពីថ្ងៃព្រហស្បតិ៍នៅឯទារកដ្ឋាននៅស្រុក Na Klang ខេត្ត Nong Bua Lamphu បានឆក់យកជីវិតមនុស្ស ៣៨ នាក់ ក្នុងនោះមានកុមារ ២៤ នាក់ ។ ក្រោយមកហេតុការណ៍នេះបានបញ្ចប់ នៅពេលដែលខ្មាន់កាំភ្លើងបានយកកាំភ្លើងមកបាញ់សម្លាប់ខ្លួនឯង បន្ទាប់ពីសម្លាប់ប្រពន្ធ និងកូនប្រុសនៅផ្ទះរបស់ពួកគេ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ ខ្មាន់កាំភ្លើង ថៃ ត្រលប់ទៅផ្ទះ បាញ់សម្លាប់ប្រពន្ធនិងកូន រួចសម្លាប់ខ្លួនតាមក្រោយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង១ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម