លោក ពូទីន ទទួលបានកាដូ យ៉ាងភ្ញាក់ផ្អើល នៅថ្ងៃខួបកំណើត

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានទទួលកាដូមិនធម្មតាមួយ សម្រាប់ថ្ងៃខួបកំណើតគម្រប់អាយុ ៧០ឆ្នាំរបស់គាត់ កាលពីថ្ងៃសុក្រទី០៧ខែតុលា៖ នោះគឺ​ ត្រាក់ទ័រ មួយគ្រឿង។

នៅពេលមេដឹកនាំនៃអតីតប្រទេសសូវៀតជាច្រើន បានជួបប្រជុំគ្នានៅឯវិមាន Konstantin សម័យ Czarist ក្នុងទីក្រុង St. Petersburg, ប្រធានាធិបតីបេឡារុសលោក Alexander Lukashenko បានប្រគល់កាតបញ្ជាក់ពីរថយន្តនេះ ដល់លោកពូទីន។

ត្រាក់ទ័រ គឺបង្ហាញពីមោទកភាពនៃឧស្សាហកម្មបេឡារុស ចាបតាំងពីសម័យសូវៀតមក។

លោក Lukashenko ដែលគ្រប់គ្រងអតីតប្រទេសសូវៀតអស់រយៈពេលជិត៣ទសវត្សរ៍មកហើយនោះ បានប្រាប់អ្នកយកព័ត៌មានថា ត្រាក់ទ័រដែលគាត់ឲ្យលោកពូទីន គឺស្រដៀងគ្នាទៅនឹងត្រាក់ទ័រ ដែលគាត់មាននៅក្នុងសួនច្បាររបស់គាត់។

ទោះបីជាយ៉ាងណាក៏ដោយ លោក ពូទីន មិនបានលើកឡើងពីកាដូនេះ នៅក្នុងសុន្ទរកថាតាមទូរទស្សន៍ទេ នៅពេលគាត់ចាប់ផ្តើមកិច្ចប្រជុំ៕

ប្រែសម្រួល៖ Vann Vann

ប្រភព៖ The Star

ចុចអាន៖ រុស្ស៊ី ចោទថា លោក Zelensky ព្យាយាមបញ្ឆេះ សង្គ្រាមលោកលើកទី៣