ពលរដ្ឋអ៊ុយក្រែន សម្រុកចាកចេញពីទីក្រុង កៀវ ក្រោយ រុស្ស៊ី បាញ់ស្រោចមីស៊ីល

ពលរដ្ឋអ៊ុយក្រែន បានចាប់ផ្តើម សម្រុកចាកចេញពីរដ្ឋធានីកៀវ ដែលជាហេតុបង្កឲ្យមានការកកស្ទះចរាចរណ៍​ យ៉ាងខ្លាំង។

សាក្សីដែលបានឃើញផ្ទាល់ភ្នែក បានរាយការណ៍ថា ស្ថានីយ៍កណ្តាល ក៏ពោរពេញទៅដោយមនុស្សរាប់ពាន់នាក់ដែលសម្រុកចូលជិះរថភ្លើងចាកចេញពីទីក្រុង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅឯជាយក្រុង គឺ​ពោរពេញទៅ​ដោយ​រថយន្ត ​ព្យាយាម​ចាកចេញ​ពី​រដ្ឋធានី​ជាបន្ទាន់។

និស្សិតម្នាក់ឈ្មោះ Svetlana បានចែករំលែកវីដេអូ នៅលើបណ្តាញសង្គម ខណៈពេលព្យាយាមបើករថយន្តឆ្ពោះទៅកណ្តាលប្រទេស។ នាងនិយាយថា “វាពិតជាគួរឲ្យខ្លាចណាស់។ យើងមិនច្បាស់ទេថាតើពេលណា រឿងអាក្រក់នឹងកើតឡើងទេ។ ស៊ីរ៉ែនបានបន្លឺឡើងគ្រប់ពេល ចាប់តាំងពីម៉ោង៧ព្រឹកទៅ វាពិតជាគួរឲ្យខ្លាចណាស់”។

ការសម្រុកចាកចេញពីទីក្រុងកៀវនេះ បានកើតឡើងបន្ទាប់ពីរុស្ស៊ី បើកការវាយប្រហារទ្រង់ទ្រាយធំ លើរដ្ឋធានីរបស់អ៊ុយក្រែន ជាការសងសឹកទៅនឹងការបំផ្ទុះស្ពាន គ្រីមៀ។

មីស៊ីលរុស្ស៊ីបានវាយប្រហារគោលដៅនៅទូទាំងប្រទេសអ៊ុយក្រែនកាលពីព្រឹកថ្ងៃចន្ទ ដោយបានសម្លាប់មនុស្សចំនួន១៩នាក់ និងរបួស១០៥នាក់។ តំបន់ចំនួន៣០១ នៅក្នុងទីក្រុង កៀវ, Lviv, Sumy, Ternopil និង Khmelnytsky នៅតែគ្មានអគ្គិសនីប្រើប្រាស់ គិតត្រឹមព្រឹកថ្ងៃអង្គារ។

ការវាយប្រហារបន្ថែមទៀតនៅថ្ងៃអង្គារ រួមមានមួយលើកនៅភាគអាគ្នេយ៍ទីក្រុង Zaporizhzhia បានសម្លាប់មនុស្សម្នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Youtube

ចុចអាន៖ ក្រោយបាញ់មីស៊ីលស្រោចលើអ៊ុយក្រែន, រុស្ស៊ី ព្រមានលោកខាងលិច កុំលូកដៃឲ្យសោះ!