ព័ត៌មានអន្ដរជាតិ
មនុស្សស្លាប់កើនដល់ ១៣នាក់ ក្នុងហេតុការណ៍ ធ្លាក់យន្តហោះចម្បាំង នៅ រុស្ស៊ី (មានវីដេអូ)
ក្រុមមន្ត្រីបាននិយាយថា មនុស្សចំនួន១៣នាក់ហើយ បានបាត់បង់ជីវិត បន្ទាប់ពីយន្តហោះទម្លាក់គ្រាប់បែករុស្ស៊ីមួយគ្រឿង បានធ្លាក់ចូលទៅក្នុងប្លុកផ្ទះល្វែងមួយនៅទីក្រុង Yeysk ភាគខាងត្បូងប្រទេសរុស្ស៊ី។
អ្នកបើកយន្តហោះ Su-34 ទាំងពីរនាក់ បានរំដោះខ្លួនចេញ មុនពេលយន្តហោះបុកអគារ និងបណ្តាលឲ្យមានគ្រោះមហន្តរាយដ៏ធំមួយ។
ក្រសួងសង្គ្រោះបន្ទាន់របស់រុស្ស៊ី បាននិយាយថា ក្រុមអ្នកជួយសង្គ្រោះ បានកែប្រែចំនួនអ្នកស្លាប់ បន្ទាប់ពីបញ្ចប់ការស្វែងរកនៅក្នុងបំណែកបាក់បែក។ កុមារបីនាក់ស្ថិតក្នុងចំណោមជនរងគ្រោះ។
ក្រុមមន្ត្រីនិយាយថា មនុស្សចំនួន៦៨នាក់ ត្រូវបានជួយសង្គ្រោះពីអគ្គិភ័យនៅក្នុងប្លុកផ្ទះល្វែងកម្ពស់ប្រាំបួនជាន់។ មនុស្ស១៩នាក់បានរងរបួស ហើយកំពុងទទួលការព្យាបាលបន្ទាប់ពីការធ្លាក់យន្តហោះកាលពីល្ងាចថ្ងៃចន្ទ។
ការធ្លាក់នេះគឺបណ្តាលមកពីម៉ាស៊ីនយន្តហោះដំណើរការខុសប្រក្រតី ដោយម៉ាស៊ីនមួយបានឆេះ ភ្លាមៗបន្ទាប់ពីហោះឡើង។
គួរបញ្ជាក់ថា យន្តហោះ Su-34 កំពុងធ្វើការហោះហើរហ្វឹកហ្វឺន ដែលនេះមានន័យថា យន្តហោះមិនត្រូវបានបំពាក់ដោយគ្រាប់រំសេវនោះទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ យន្តហោះចម្បាំងរុស្ស៊ី ធ្លាក់ចូលអគារលំនៅដ្ឋាន ផ្ទុះឆេះ ស្លាប់និងរបួសមនុស្ស ជិត ៣០នាក់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង