Connect with us

ព័ត៌មានអន្ដរជាតិ

គ្រោះរញ្ជួយដីកម្រិត ៦.៤រ៉ិចទ័រ វាយប្រហារប្រទេស ហ្វីលីពីន

បានផុស

នៅ

ការរញ្ជួយដីកម្រិត ៦.៤រ៉ិចទ័រ បានអង្រួនភាគខាងជើងប្រទេសហ្វីលីពីន កាលពីយប់ថ្ងៃអង្គារទី២៥ខែតុលា ដោយធ្វើឲ្យប្រជាពលរដ្ឋភ័យស្លន់ស្លោ ចេញតាមដងផ្លូវ និងបានបង្កការខូចខាតយ៉ាងខ្លាំងដល់មន្ទីរពេទ្យ។

ការរញ្ជួយដីនេះ បានវាយប្រហារនៅម៉ោងប្រហែល ១០:៥៩ នាទីយប់ (ពេលវេលានៅ ហ្វីលីពីន) ជិតទីក្រុង Dolores ក្នុងខេត្ត Abra។

ការិយាល័យការពារជនស៊ីវិលក្នុងខេត្ត Abra បានប្រាប់ AFP ថា មិនមានរបាយការណ៍ភ្លាមៗអំពីអ្នកស្លាប់ និងរបួសទេ ប៉ុន្តែទំហំនៃការខូចខាតនឹងត្រូវបានគេដឹង នៅពេលព្រឹក។

ការរញ្ជួយដី ដែលបានកើតឡើងក្នុងជម្រៅរាក់ ១២.២គីឡូម៉ែត្រ បានធ្វើឲ្យញ័រដល់រដ្ឋធានីម៉ានីល ដែលស្ថិតនៅចម្ងាយជាង ៣៣០គីឡូម៉ែត្រ នាភាគខាងត្បូងឯណោះ។

គួរបញ្ជាក់ថា ការរញ្ជួយដី បានកើតឡើងញឹកញាប់នៅក្នុងប្រទេសហ្វីលីពីន ដែលស្ថិតនៅតាមបណ្តោយខ្សែក្រវាត់ភ្នំភ្លើងប៉ាស៊ីហ្វិក “Ring of Fire” ដែលជារង្វង់មានសកម្មភាពរញ្ជួយខ្លាំង ក៏ដូចជាសកម្មភាពភ្នំភ្លើង ដែលលាតសន្ធឹងពីប្រទេសជប៉ុន ឆ្លងកាត់តំបន់អាស៊ីអាគ្នេយ៍ និងអាងប៉ាស៊ីហ្វិក។

កាលពីខែកក្កដា គ្រោះរញ្ជួយដីកម្រិត ៧.០ រ៉ិចទ័រនៅក្នុងខេត្ត Abra ដដែលនេះ បានបង្កឲ្យមានការរអិលបាក់ដី ដោយបានសម្លាប់មនុស្សចំនួន ១១ នាក់ និងរាប់រយនាក់ផ្សេងទៀតរងរបួស។

កាលពីខែតុលាឆ្នាំ២០១៣ គ្រោះរញ្ជួយដីកម្រិត ៧.១ រ៉ិចទ័រ បានវាយប្រហារកោះ Bohol ភាគកណ្តាល ដោយបានសម្លាប់មនុស្សជាង២០០នាក់៕

ប្រែសម្រួល៖ Vann Vann

ប្រភព៖ CNA

ចុចអាន៖ ថៃ ជួបគ្រោះរញ្ជួយដី ៣លើក ត្រឹមមួយព្រឹក

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ នាទី មុន

ជប៉ុន ផ្តល់ថវិកាជិត៤ម៉ឺនដុល្លារ សម្រាប់កែលម្អឧបករណ៍​តន្ត្រីបុរាណនៅសាលាមធ្យមវិចិត្រសិល្បៈ

ជីវិតកម្សាន្ដ៣៥ នាទី មុន

យីហោល្បីៗសម្រុកផ្ដាច់កុងត្រាពាណិជ្ជកម្មគ្មានសល់ ​ក្រោយ Han So Hee ចម្រូងចម្រាសស្នេហាត្រីកោណ

ព័ត៌មានជាតិ៥២ នាទី មុន

ឯកឧត្ដម ហ៊ុន ម៉ានី អញ្ជើញបើកវគ្គបណ្ដុះបណ្ដាលស្ដីពី «ភាពជាអ្នកដឹកនាំ និងនវានុវត្តន៍ ជំនាន់ទី ៦»

ព័ត៌មានអន្ដរជាតិ៥៧ នាទី មុន

ថៃ មិនទាន់មានលុយគ្រប់ ៤៧០ លានដុល្លារទិញនាវាមុជទឹក

ព័ត៌មានជាតិ៣ ម៉ោង មុន

រដ្ឋមន្ត្រីក្រសួងសាធារណការ​ចេញយន្តការ ៥ ចំណុច ទប់ស្កាត់សកម្មភាពអនាធិបតេយ្យតាម​ដងផ្លូវ

Sokha Hotels

ព័ត៌មានពេញនិយម