លោក បៃដិន នឹងជួបលោក ស៊ី ដោយផ្ទាល់ជាលើកដំបូង ចាប់តាំងពីឡើងកាន់តំណែងប្រធានាធិបតី (មានវីដេអូ)

មេដឹកនាំនៃប្រទេសដែលមានសេដ្ឋកិច្ចធំជាងគេទាំងពីររបស់ពិភពលោក បានប្រកាន់ជំហរផ្សេងគ្នាលើបញ្ហាសន្តិសុខនៅក្នុងតំបន់ឥណ្ឌូប៉ាស៊ីហ្វិក កោះតៃវ៉ាន់ និងការវាយលុករបស់រុស្ស៊ីនៅអ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ ប្រធានាធិបតីអាមេរិកលោក ចូ បៃដិន និងប្រធានាធិបតីចិនលោក ស៊ី ជីនពីង មិនទាន់បានជួបមុខគ្នាដោយផ្ទាល់ទេ ចាប់តាំងពីលោក បៃដិន ចូលកាន់តំណែងនៅសេតវិមាន។

ប៉ុន្តែមេដឹកនាំទាំង២ នឹងចូលរួមជាមួយមេដឹកនាំដទៃទៀត ក្នុងកិច្ចប្រជុំកំពូលនៃក្រុមប្រទេសចំនួន២០នៅសប្តាហ៍ក្រោយ លើកោះបាលីរបស់ប្រទេសឥណ្ឌូណេស៊ី ហើយអ្នកទាំង២ ​នឹង​ឆ្លៀត​ពេលពិភាក្សា​គ្នា​នៅ​ថ្ងៃ​ចន្ទ។

ទីប្រឹក្សាសន្តិសុខជាតិសហរដ្ឋអាមេរិក លោក Jake Sullivan បាននិយាយថា មិនមានការផ្លាស់ប្តូរជំនួបដោយផ្ទាល់រវាងមេដឹកនាំទាំង២ទេ។

ស្របពេលជាមួយគ្នានោះ លេខាធិការសារព័ត៌មានសេតវិមានលោកស្រី Karine Jean-Pierre បានឲ្យដឹងថា អ្នកទាំង២ នឹងពិភាក្សាអំពីកិច្ចខិតខំប្រឹងប្រែងដើម្បីរក្សា និងធ្វើឲ្យទំនាក់ទំនងកាន់តែស៊ីជម្រៅ គ្រប់គ្រងការប្រកួតប្រជែងប្រកបដោយទំនួលខុសត្រូវ និងធ្វើការជាមួយគ្នានៅកន្លែងដែលមានផលប្រយោជន៍រួម។

គួរបញ្ជាក់ថា លើកចុងក្រោយ លោក បៃដិន និងលោក ស៊ី បាននិយាយគ្នាតាមទូរស័ព្ទនៅចុងខែកក្កដា ប៉ុន្តែមិនបានជួបមុខគ្នាដោយផ្ទាល់ទេ ចាប់តាំងពីលោក បៃដិន ចូលកាន់តំណែងជាប្រធានាធិបតីសហរដ្ឋអាមេរិកកាលពីខែមករាឆ្នាំមុន៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ពេលមកកម្ពុជា លោក Biden នឹងពិភាក្សាបញ្ហាក្តៅមួយ ជាមួយមេដឹកនាំជប៉ុន និងកូរ៉េខាងត្បូង