ព័ត៌មានអន្ដរជាតិ
ពេលមកកម្ពុជា លោក Biden នឹងពិភាក្សាបញ្ហាក្តៅមួយ ជាមួយមេដឹកនាំជប៉ុន និងកូរ៉េខាងត្បូង
មន្ត្រីសេតវិមានបាននិយាយកាលពីថ្ងៃពុធទី០៩ខែវិច្ឆិកាថា លោកប្រធានាធិបតី លោក Joe Biden នឹងជួបជាមួយនាយករដ្ឋមន្ត្រីជប៉ុន Fumio Kishida និងប្រធានាធិបតីកូរ៉េខាងត្បូងលោក Yoon Suk-Yeol ក្នុងអំឡុងពេលធ្វើដំណើរទៅកាន់តំបន់អាស៊ី ដើម្បីពិភាក្សាអំពីវិធីទប់ស្កាត់កម្មវិធីនុយក្លេអ៊ែររបស់កូរ៉េខាងជើង។
មេដឹកនាំទាំង៣នឹងជួបគ្នាក្នុងប្រទេសកម្ពុជា នៅថ្ងៃអាទិត្យទី១៣ខែវិច្ឆិកា ពេលដែលលោក Biden ធ្វើទស្សនកិច្ចនៅអាស៊ី សម្រាប់កិច្ចប្រជុំជាមួយអាស៊ាន និងក្រុមប្រទេសឧស្សាហកម្មចំនួន២០។
លោកស្រី Adrienne Watson អ្នកនាំពាក្យក្រុមប្រឹក្សាសន្តិសុខជាតិសេតវិមានបាននិយាយថា “មេដឹកនាំទាំងបី នឹងធ្វើការដើម្បីបន្តពង្រឹងកិច្ចសហប្រតិបត្តិការត្រីភាគីនៅទូទាំងតំបន់ឥណ្ឌូ-ប៉ាស៊ីហ្វិក ជាពិសេសទាក់ទងនឹងកិច្ចខិតខំប្រឹងប្រែងរួមគ្នា ដើម្បីដោះស្រាយការគំរាមកំហែងដែលកំពុងកើតមានដោយអាវុធប្រល័យលោក និងកម្មវិធីមីស៊ីលផ្លោងខុសច្បាប់របស់ កូរ៉េខាងជើង”។
កាលពីខែតុលា ប្រទេសកូរ៉េខាងជើង បានបាញ់សាកល្បងមីស៊ីលផ្លោងរយៈចម្ងាយឆ្ងាយជាងពេលមុនៗ ដោយហោះលើប្រទេសជប៉ុនជាលើកដំបូងក្នុងរយៈពេល៥ឆ្នាំ និងបណ្តាលឲ្យប្រជាជននៅទីនោះ ភ័យស្លន់ស្លោ។
ទង្វើនោះបានជំរុញឲ្យលោក Biden ទូរស័ព្ទទៅលោក Kishida និងរំលឹកឡើងវិញនូវការប្តេជ្ញាចិត្តរឹងដូចដែកថែប របស់អាមេរិកចំពោះការការពារប្រទេសជប៉ុន។
យន្តហោះចម្បាំងកូរ៉េខាងត្បូង និងអាមេរិក ក៏បានធ្វើលំហាត់ទម្លាក់គ្រាប់បែកលើគោលដៅនៅសមុទ្រលឿងជាការឆ្លើយតប ហើយយន្តហោះចម្បាំងរបស់សហរដ្ឋអាមេរិក និងជប៉ុនបានធ្វើសមយុទ្ធរួមគ្នាលើសមុទ្រជប៉ុន៕
ប្រែសម្រួល៖ Vann Vann
ប្រភព៖ Reuters
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ៧ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)