ព័ត៌មានអន្ដរជាតិ
លោក ស៊ី៖ អាស៊ី មិនត្រូវក្លាយជាសង្វៀន សម្រាប់ ការប្រកួតប្រជែងអំណាចធំៗឡើយ (មានវីដេអូ)
ប្រធានាធិបតីចិនលោក ស៊ី ជីនពីង បាននិយាយកាលពីថ្ងៃព្រហស្បតិ៍ទី១៧ខែវិច្ឆិកាថា តំបន់អាស៊ីប៉ាស៊ីហ្វិក មិនមែនជាទីធ្លារបស់នរណាម្នាក់ឡើយ ហើយមិនគួរក្លាយជាសង្វៀននៃការប្រកួតប្រជែងអំណាចធំៗនោះទេ។ លោកក៏បានព្រមានប្រឆាំងនឹងភាពតានតឹងនៃសង្គ្រាមត្រជាក់នៅក្នុងតំបន់ផងដែរ។
ការកត់សម្គាល់របស់លោក ស៊ី នៅមុនកិច្ចប្រជុំកំពូល កិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងទីក្រុងបាងកក គឺសំដៅទៅកិច្ចខិតខំប្រឹងប្រែងរបស់សហរដ្ឋអាមេរិកជាមួយសម្ព័ន្ធមិត្ត និងដៃគូក្នុងតំបន់ ក្នុងការបង្ហាញនូវអ្វីដែលពួកគេមើលឃើញថា ជាការកើនឡើងនៃឥទ្ធិពលសេដ្ឋកិច្ច និងយោធារបស់ប្រទេសចិន។
លោក ស៊ី បាននិយាយនៅក្នុងសុន្ទរកថាជាលាយលក្ខណ៍អក្សរដែលបានរៀបចំសម្រាប់ព្រឹត្តិការណ៍ពាណិជ្ជកម្មដែលភ្ជាប់ទៅនឹងកិច្ចប្រជុំកំពូលនេះថា “ការប៉ុនប៉ងធ្វើសង្រ្គាមត្រជាក់ថ្មី នឹងមិនត្រូវបានអនុញ្ញាតដោយប្រជាជន ឬនៅសម័យរបស់យើងនោះទេ។ យើងគួរតែដើរតាមមាគ៌ានៃការបើកចំហរនិងការរួមបញ្ចូលគ្នា។ តំបន់នេះ មិនគួរប្រែទៅជា សង្វៀនសម្រាប់ការប្រកួតប្រជែងអំណាចធំៗឡើយ”។
លោកបន្តថា “ឯកតោភាគីនិយម និងលទ្ធិគាំពារនិយម គួរតែត្រូវបានច្រានចោលដោយអ្នកទាំងអស់គ្នា ហើយរាល់ការប៉ុនប៉ងធ្វើនយោបាយ និងទំនាក់ទំនងសេដ្ឋកិច្ច និងពាណិជ្ជកម្មសព្វាវុធ គួរតែត្រូវបានបដិសេធដោយអ្នកទាំងអស់គ្នា”។
គួរបញ្ជាក់ថា ទំនាក់ទំនងរវាងប្រទេសសេដ្ឋកិច្ចធំជាងគេទាំងពីរលើពិភពលោក មានភាពតានតឹងក្នុងរយៈពេលប៉ុន្មានឆ្នាំថ្មីៗនេះ លើបញ្ហានានាដូចជាពន្ធគយ កោះតៃវ៉ាន់ កម្មសិទ្ធិបញ្ញា ការដកស្វ័យភាពរបស់ទីក្រុងហុងកុង និងជម្លោះលើសមុទ្រចិនខាងត្បូងជាដើម៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ ៤ចំណុច បង្កការចាប់អារម្មណ៍ខ្លាំង ក្នុងជំនួបទល់មុខគ្នាលើកដំបូង រវាងលោក ស៊ី និងលោក បៃដិន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង