ព័ត៌មានអន្ដរជាតិ

លោក ពូទីន ជំរុញឲ្យមានការផលិតអាវុធខ្លាំងជាងមុនថែមទៀត

បានផុស

៤ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានអំពាវនាវឲ្យជំរុញការផលិតអាវុធកាន់តែខ្លាំងឡើងជាងមុនថែមទៀត ដោយសារតែយោធារបស់ប្រទេសនេះនៅតែបន្តការបាញ់មីស៊ីល និងការវាយប្រហារផ្សេងៗទៀតលើអ៊ុយក្រែន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បាននិយាយនៅក្នុងព្រឹត្តិការណ៍មួយ ដែលធ្វើឡើងដោយសាជីវកម្មការពារជាតិគ្រប់គ្រងដោយរដ្ឋ នៅទីក្រុងមូស្គូកាលពីពេលថ្មីៗនេះថា អាទិភាពកំពូលរបស់យើងនៅពេលនេះ គឺឆ្លើយតបទៅនឹងតម្រូវការរបស់ទាហានរុស្ស៊ី ដែលកំពុងធ្វើប្រតិបត្តិការយោធាពិសេសនៅអ៊ុយក្រែន ។

ទន្ទឹមនោះ លោក ពូទីន បានចង្អុលបង្ហាញទៀតថា តម្រូវការសម្រាប់ការផលិត និងការផ្គត់ផ្គង់អាវុធត្រូវតែបង្កើនឲ្យខ្លាំងឡើង ហើយបានសន្យាផ្តល់ជំនួយភ្លាមៗដល់ទាហានរុស្ស៊ីតាមការត្រូវការផងដែរ ។

ស្របពេលជាមួយគ្នានេះ ការថ្លែងរបស់លោក ពូទីន ក៏កើតឡើង បន្ទាប់ពីអ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានកាលពីពេលថ្មីៗនេះថា “គ្មានអ្វីត្រូវសង្ស័យទេ ប្រតិបត្តិការយោធាពិសេសរបស់រុស្ស៊ីនៅអ៊ុយក្រែន នឹងបញ្ចប់ដោយជោគជ័យ” ។

គួរបញ្ជាក់ថា កាលពីថ្ងៃទី២៤ ខែកុម្ភៈ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ។ បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី និងបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕