កីឡា
អ្នកទស្សនា World Cup នឹងលែងបានមើលការប្រកួតនៅម៉ោង ៥ ល្ងាចនិង ៨ យប់ទៀតហើយ
ការប្រកួតបាល់ទាត់ពិភពលោក FIFA World Cup ឆ្នាំ២០២២ ដែលកាតាធ្វើជាម្ចាស់ផ្ទះ នឹងលែងមានគូប្រកួតនៅម៉ោង ៥ ល្ងាច និង ៨ យប់ (ម៉ោងនៅកម្ពុជា) ទៀតហើយ ។
![](https://www.kampucheathmey.com/wp-content/uploads/2022/11/WC-2-1.jpg)
ការប្រកួតគ្រប់ក្រុមជម្រើសជាតិទាំងអស់ រាប់ចាប់ពីវគ្គសន្សុំពិន្ទុតាមពូលជុំទី៣ នេះតទៅ នឹងធ្វើការប្រកួតនៅវេលាម៉ោង ១០ យប់ និងម៉ោង ២ រំលងអធ្រាត្រ ។ ជាក់ស្ដែងការប្រកួត ៤ គូកាលពីយប់មិញគឺលេងនៅម៉ោង ១០ យប់ចំនួន ២ គូ និងម៉ោង ២ រំលងអធ្រាត្រចំនួន ២ គូដូចគ្នា ដោយសារតែលក្ខខ័ណ្ឌតម្រូវឲ្យការប្រកួតធ្វើឡើងដំណាលគ្នា ដើម្បីចៀសវាងការរៀបចំលទ្ធផលទុកជាមុន ។
សម្រាប់វគ្គ ១៦ ក្រុមចុងក្រោយដែលរៀបចំឡើងនៅថ្ងៃទី៣ ដល់ថ្ងៃទី៦ ខែធ្នូ និងវគ្គ ៨ ក្រុមចុងក្រោយចាប់ពីថ្ងៃទី៩ ដល់ថ្ងៃទី១០ ខែធ្នូ ក៏ដូចគ្នា គឺការប្រកួតនឹងចាប់ផ្ដើមពីម៉ោង ១០ យប់ និង ២ រំលងអធ្រាត្រ ។
![](https://www.kampucheathmey.com/wp-content/uploads/2022/11/WC-4.jpg)
ដោយឡែកសម្រាប់ការប្រកួតវគ្គពាក់កណ្ដាលផ្ដាច់ព្រ័ត្រដែលរៀបចំឡើងរយៈពេល ២ ថ្ងៃ ពីថ្ងៃទី១៣ ដល់ថ្ងៃទី១៤ ខែធ្នូ ការប្រកួតគឺសុទ្ធតែចាប់ផ្ដើមលេងនៅ ២ រំលងអធ្រាត្រ ។
ចំណែកការប្រកួតដណ្ដើមយកចំណាត់ថ្នាក់លេខ ៣ ដែលចាប់ផ្ដើមនៅថ្ងៃទី១៧ ខែធ្នូ នឹងលេងនៅម៉ោង ១០ យប់ ខណៈការប្រកួតវគ្គផ្ដាច់ព្រ័ត្រនៅថ្ងៃទី១៨ ខែធ្នូ នឹងរៀបចំឡើងនៅវេលាម៉ោង ១០ យប់ផងដែរ ។
![](https://www.kampucheathmey.com/wp-content/uploads/2022/11/WC-5.jpg)
គួរបញ្ជាក់ថា ម្ចាស់ជើងឯក World Cup ឆ្នាំ ២០២២ នៅកាតានឹងទទួលបានទឹកប្រាក់រង្វាន់ ៤២ លានដុល្លារអាមេរិក ពោលគឺច្រើនជាងព្រឹត្តិការណ៍ដែលរៀបចំនៅប្រទេសរុស្ស៊ី កាលពីឆ្នាំ ២០១៨ មានចំនួន ៤ លានដុល្លារ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៦ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៦ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
កីឡា៤ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ២ ថ្ងៃ ago
តុលាការឱ្យឃុំខ្លួនបណ្ដោះអាសន្នលើ លោក ស្រ៊ុន ស៊្រន និងបក្សពួក ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម
-
ព័ត៌មានអន្ដរជាតិ៣ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី
-
សន្តិសុខសង្គម១ ថ្ងៃ ago
ផ្លូវបេតុងជិត៦០០ម៉ែត្រ ដែលមិនប្រកាសដេញថ្លៃជាសាធារណៈ ចាប់ផ្តើមលួចសាងសង់
-
ព័ត៌មានអន្ដរជាតិ១៨ ម៉ោង ago
ណាសា៖ ស្រទាប់ភពពុធ កម្រាស់ជាង ១៦គីឡូម៉ែត្រ អាចក្រាលដោយពេជ្រសុទ្ធ