ព័ត៌មានអន្ដរជាតិ
សំបុត្រផ្ទុកគ្រាប់បែក ត្រូវបានបញ្ជូនទៅស្ថានទូតអាមេរិក ក្នុងទីក្រុង ម៉ាឌ្រីដ (មានវីដេអូ)
អាជ្ញាធរអេស្ប៉ាញបាននិយាយកាលពីថ្ងៃព្រហស្បតិ៍ទី០១ខែធ្នូថា ប៉ូលិសអេស្ប៉ាញ បានហ៊ុមព័ទ្ធតំបន់ជុំវិញស្ថានទូតអាមេរិកក្នុងទីក្រុងម៉ាឌ្រីដ និងបានធ្វើសកម្មភាពប្រឆាំងភេរវកម្ម បន្ទាប់ពីគ្រាប់បែកក្នុងសំបុត្រ ត្រូវបានបញ្ជូនទៅអគារនោះ។
យោងតាមក្រសួងមហាផ្ទៃអេស្ប៉ាញ, ប៉ូលិសបានបំផ្ទុះកញ្ចប់នោះដោយជោគជ័យ បន្ទាប់ពីជម្លៀសមនុស្សចេញអគារនៅក្បែរនោះ។ ក្រសួងបានកត់សម្គាល់ថា មិនទាន់មានរបាយការណ៍ពីអ្នករងរបួសទាក់ទងនឹងឧបទ្ទវហេតុនេះនៅឡើយទេ។
រឿងនេះកើតឡើង បន្ទាប់ពីគ្រាប់បែកក្នុងសំបុត្រចំនួន៥ ត្រូវបានបញ្ជូនទៅកាន់គោលដៅផ្សេងៗគ្នានៅទូទាំងប្រទេសអេស្ប៉ាញ ក្នុងរយៈពេលពីរថ្ងៃចុងក្រោយ រួមទាំងទៅកាន់ស្ថានទូតអ៊ុយក្រែននៅទីក្រុងម៉ាឌ្រីដ ដែលបណ្តាលឲ្យកម្មករម្នាក់ រងរបួសផងដែរ បន្ទាប់ពីការបើកកញ្ចប់កាលពីថ្ងៃពុធ។
អនុរដ្ឋមន្ត្រីមហាផ្ទៃអេស្ប៉ាញ លោក Rafael Perez បានពន្យល់កាលពីថ្ងៃព្រហស្បតិ៍ក្នុងសន្និសីទសារព័ត៌មានមួយថា គ្រាប់បែកទាំងនោះ ហាក់ដូចជាផលិតដោយខ្លួនឯង ហើយត្រូវបានផ្ញើក្នុងស្រោមសំបុត្រពណ៌ត្នោតដែលមានផ្ទុកសារធាតុ Pyrotechnic និងប្រព័ន្ធធ្វើឲ្យសកម្មនៅខាងក្នុង។
លោកបានចង្អុលបង្ហាញថា តាមការវិភាគបឋម ប្រព័ន្ធក្នុងកញ្ចប់ទាំងនេះ គឺមានន័យថា អាចបង្កជាអណ្តាតភ្លើង ប៉ុន្តែមិនមែនជាការផ្ទុះទេ។ លោកបន្តថា សំបុត្រទាំងនោះ មិនគ្រាន់តែជាការបង្កើនកម្រិតនៃការគំរាមកំហែងភេរវកម្មក្នុងប្រទេសប៉ុណ្ណោះទេ ប៉ុន្តែវាក៏បានជំរុញឲ្យប្រជាពលរដ្ឋរក្សាការប្រុងប្រយ័ត្នផងដែរ។
គួរបញ្ជាក់ថា នាយករដ្ឋមន្រ្តីអេស្ប៉ាញលោក Pedro Sanchez ក៏បានទទួលកញ្ចប់ដូចគ្នានេះដែរ កាលពីថ្ងៃទី ២៤ ខែវិច្ឆិកា ប៉ុន្តែត្រូវបានដោះដោយអ្នកជំនាញគ្រាប់បែក៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ថា ប៉ូឡូញ ត្រៀមកាត់យកតំបន់ភាគខាងលិច អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង