ព័ត៌មានអន្ដរជាតិ
រុស្ស៊ី ព្រមានពីហានិភ័យខ្ពស់ នៃការធ្លាក់ចូលទៅក្នុង សង្រ្គាមនុយក្លេអ៊ែរទ្រង់ទ្រាយធំ (មានវីដេអូ)
រដ្ឋមន្ត្រីការបរទេសរុស្សី លោក Sergey Lavrov បានព្រមានថា ជម្លោះណាមួយរវាងរដ្ឋនុយក្លេអ៊ែរ ទំនងជានឹងបង្កទៅជាសង្គ្រាមនុយក្លេអ៊ែរទ្រង់ទ្រាយធំ ដូច្នេះហើយ គួរតែចៀសវាងរឿងនេះ ឲ្យខានតែបាន។
លោក Lavrov បាននិយាយក្នុងសន្និសីទសារព័ត៌មានកាលពីថ្ងៃព្រហស្បតិ៍ទី០១ខែធ្នូថា “សង្គ្រាមរវាងមហាអំណាចនុយក្លេអ៊ែរ គឺមិនអាចទទួលយកបានឡើយ។ ទោះនរណា សម្រេចចិត្តចាប់ផ្តើមវាដោយប្រើមធ្យោបាយសាមញ្ញក៏ដោយ វានឹងមានគ្រោះថ្នាក់ដ៏ធំដែលបង្កទៅជាសង្គ្រាមនុយក្លេអ៊ែរទ្រង់ទ្រាយធំ”។
នៅពេលត្រូវបានសួរអំពីកិច្ចខិតខំប្រឹងប្រែងរួមគ្នារបស់ទីក្រុងមូស្គូ និងវ៉ាស៊ីនតោន ដើម្បីកាត់បន្ថយសមត្ថភាពយុទ្ធសាស្ត្ររបស់ពួកគេ អ្នកការទូតរូបនេះបានឆ្លើយតបថា នៅក្នុងខែកញ្ញា ឆ្នាំ២០២១ សហរដ្ឋអាមេរិកបានធ្វើឲ្យជាប់គាំងកិច្ចចរចាទ្វេភាគី ក្នុងការឈានដល់កិច្ចព្រមព្រៀងស្តីពីការកំណត់អាវុធវាយលុកជាយុទ្ធសាស្ត្រ មុនពេលរុស្ស៊ីចាប់ផ្តើមប្រតិបត្តិការយោធារបស់ខ្លួននៅអ៊ុយក្រែន។
លោក Lavrov បានកត់សម្គាល់ថា “វាមិនពិបាកនោះទេ ក្នុងការស្វែងយល់ហេតុផល”។ ទោះបីជាយ៉ាងណាក៏ដោយ លោកបានទទួលស្គាល់ថា ទំនួលខុសត្រូវរបស់ទីក្រុងវ៉ាស៊ីនតោន និងទីក្រុងមូស្គូក្នុងនាមជាមហាអំណាចនុយក្លេអ៊ែរធំបំផុតទាំងពីរនៅលើពិភពលោក មិនផ្លាស់ប្តូរទេ ហើយបានរំលឹកឡើងវិញនូវសេចក្តីថ្លែងការណ៍រួមដែលធ្វើឡើងដោយមេដឹកនាំរុស្ស៊ី និងអាមេរិកថា សង្រ្គាមនុយក្លេអ៊ែរមិនអាចមាននអ្នកណាម្នាក់ឈ្នះឡើយ ដូច្នេះហើយមិនត្រូវអនុញ្ញាតឲ្យកើតមាននោះទេ។
រុស្ស៊ីមានឆន្ទៈក្នុងការទទួលយកសេចក្តីថ្លែងការណ៍នោះ ហើយបានសង្កត់ធ្ងន់ថា ជម្លោះណាមួយរវាងរដ្ឋនុយក្លេអ៊ែរគឺមិនអាចទទួលយកបានឡើយ ព្រោះថា សូម្បីតែសង្រ្គាមធម្មតាក៏មានហានិភ័យដ៏ធំ នៃការឈានទៅដល់ការប៉ះទង្គិចនុយក្លេអ៊ែរដែរ។
ការគំរាមកំហែងនៃសង្គ្រាមនុយក្លេអ៊ែរ បានក្លាយជាប្រធានបទយ៉ាងក្តៅគគុក ចាប់តាំងពីលោកពូទីន ប្តេជ្ញាកាលពីចុងខែកញ្ញា ក្នុងការការពារទឹកដីនិងប្រជាជនរបស់រុស្ស៊ីដោយប្រើកម្លាំងនិងធនធានទាំងអស់ដែលខ្លួនមាន។
ការកត់សម្គាល់របស់គាត់នៅពេលនោះ ត្រូវបានអ្នកវិភាគ និងមន្ត្រីលោកខាងលិចបកស្រាយយ៉ាងទូលំទូលាយថា ជាការព្រមានបាញ់នុយក្លេអ៊ែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ប្រមូលយន្តហោះទម្លាក់គ្រាប់បែកដាក់នៅមូលដ្ឋាន ត្រៀមបើកការវាយប្រហារថ្មី លើអ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ