Connect with us

ព័ត៌មានអន្ដរជាតិ

អាមេរិក សារភាពថា ណាតូ កំពុងខ្វះខាតអាវុធធ្ងន់ធ្ងរ ដោយសារអ៊ុយក្រែន (មានវីដេអូ)

បានផុស

នៅ

ស្ទើរតែគ្រប់ប្រទេសណាតូទាំងអស់ កំពុងប្រឈមមុខនឹងកង្វះសព្វាវុធ និងគ្រាប់រំសេវ ដោយសារតែបរិមាណនៃគ្រឿងសព្វាវុធដែលពួកគេបានបញ្ជូនទៅកាន់ប្រទេសអ៊ុយក្រែន។ នេះបើតាមការទទួលស្គាល់របស់ឯកអគ្គរដ្ឋទូតសហរដ្ឋអាមេរិកប្រចាំប្លុកនេះ គឺលោកស្រី Julianne Smith កាលពីថ្ងៃអង្គារទី១៣ខែធ្នូ។

លោកស្រី Julianne Smith
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិក អង្គការណាតូ និងសហភាពអឺរ៉ុប សុទ្ធតែកំពុងធ្វើការ លើការជំរុញឲ្យឧស្សាហកម្មយោធាលោកខាងលិច បង្កើនការផលិត ដើម្បីដោះស្រាយការខ្វះខាតនេះ។

ថ្លែងក្នុងព្រឹត្តិការណ៍មួយដែលរៀបចំឡើងដោយវិទ្យាស្ថាន CSIS, លោកស្រី Smith បានប្រើឧទាហរណ៍នៃប្រទេសអេស្តូនី ដែលផ្ដល់ជំនួយយ៉ាងច្រើនដល់អ៊ុយក្រែន ហើយឥឡូវនេះកំពុងប្រឈមមុខនឹងកង្វះខាតយ៉ាងធ្ងន់ធ្ងរ។

តំណាងអចិន្ត្រៃយ៍របស់សហរដ្ឋអាមេរិកប្រចាំអង្គការ ណាតូ រូបនេះ បាននិយាយថា “ពួកគេមិនមែនជាប្រទេសតែមួយទេ។ យើងបានមើលឃើញរឿងនេះ នៅទូទាំងសម្ព័ន្ធភាព”។

លោកស្រី Smith និយាយថា ខណៈពេលដែលក្រុមទំនាក់ទំនងសម្រាប់អ៊ុយក្រែន ផ្តោតលើការរៀបចំការដឹកជញ្ជូនទៅកាន់ទីក្រុងកៀវនោះ ណាតូបានប្រគល់ភារកិច្ចទៅឲ្យសន្និសីទនៃនាយកគ្រប់គ្រងអាវុធជាតិ (CNAD) ដើម្បីដោះស្រាយបញ្ហានៃការធ្លាក់ចុះស្តុកអាវុធនៅទូទាំងសម្ព័ន្ធភាពនេះ។ ទន្ទឹមនោះ EU បានចាប់ផ្តើមគំនិតផ្តួចផ្តើមដាច់ដោយឡែកមួយ សំដៅលើឧស្សាហកម្មយោធា។

លោកស្រីពន្យល់ថា កិច្ចខិតខំប្រឹងប្រែងទាំងអស់ គឺមានគោលបំណងបញ្ចុះបញ្ចូលឧស្សាហកម្មយោធានៅលោកខាងលិច ឲ្យពង្រីកផលិតកម្មរបស់ពួកគេ។

គួរបញ្ជាក់ថា សហរដ្ឋអាមេរិក និងសម្ព័ន្ធមិត្ត បាននិងកំពុងផ្តល់ជំនួយយោធាដល់អ៊ុយក្រែនតាំងពីឆ្នាំ២០១៤មក ប៉ុន្តែបានបង្កើនការចែកចាយគ្រាប់រំសេវ អាវុធធុនតូច និងអាវុធធុនធ្ងន់ រួមទាំងរថក្រោះ និងកាំភ្លើងធំផងដែរ ក្នុងខែកុម្ភៈ នៅពេលជម្លោះជាមួយរុស្ស៊ីកើនឡើងខ្លាំង។ ចាប់តាំងពីពេលនោះមក ទីក្រុងមូស្គូបានព្រមានប្រទេសលោកខាងលិចជាច្រើនលើកច្រើនសារ ប្រឆាំងនឹងការបំពាក់អាវុធដល់ទីក្រុងកៀវ ដោយលើកហេតុផលថា វាអាចពន្យារជម្លោះដែលកំពុងបន្ត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ អ៊ុយក្រែន ប្រាប់ទំហំទឹកប្រាក់ ដែលខ្លួនត្រូវការបន្ទាន់ ដើម្បី ស្ដារ ហេដ្ឋារចនាសម្ព័ន្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម