Elon​ Musk បិទចោលគណនី Twitter សារព័ត៌មានធំៗរបស់ អាមេរិក

មិនចេះចប់មិនចេះហើយ ឥឡូលោក Elon Musk ប្រកាសបិទគណនី Twitter អ្នកសារព័ត៌មានមកពីស្ថាប័នធំៗ រួមមាន The New York Times, The Washington Post, CNN, The Intercept និង Voice of America។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបិទគណនីនេះ គឺមិនមានការជូនដំណឹងមុនឡើយ បន្ទាប់ពីអ្នកសារពត៌មានទាំងនោះ បានធ្វើការរិះគន់ទៅលើរូបលោក ។

លោក Musk បានបង្ហោះនៅលើ​ Twitter ថា បើសិនជារិះគន់តែលើរូបលោក គឺមិនអីនោះទេ ប៉ុន្តែការប៉ះពាល់លើគ្រួសាររបស់លោក គឺមិនបាននោះឡើយ ។ លោកបានបន្ថែមទៀតថា ច្បាប់នេះ គឺត្រូវអនុវត្តន៍ដូចគ្នាចំពោះអ្នកកាសែតផងដែរ ។

ក្រោយមក Musk បានចោទប្រកាន់អ្នកកាសែតទាំងនោះពីការបង្ហោះសម្របសម្រួលការធ្វើឃាតជាមូលដ្ឋាន ដោយបំពានលើគោលការណ៍របស់វេទិកា Twitter ។

ពាក់ព័ន្ធជាមួយបញ្ហានេះ មូលហេតុច្បាស់លាស់​ គឺមិនទាន់មានការបញ្ជាក់ច្បាស់ឡើយ ប៉ុន្តែអ្នកកាសែតជាច្រើន ដែលត្រូវបានបិទនោះ រួមមាន លោក Drew Harwell នៃសារព័ត៌មាន Washington Post និង Donnie O’Sullivan របស់ CNN បានសរសេរអំពីការផ្អាកគណនី Twitter តាមដានការហោះហើរ និងយន្តហោះផ្ទាល់ខ្លួនរបស់លោក Musk ។ ចំណែក Ryan Mac របស់ New York Times និង Micah Lee របស់ The Intercept ក៏តែងសរសេររិះគន់លើ Twitter និង Musk ជាទូទៅដែរដែរ ។

ដោយឡែក លោក Ella Irwin ប្រធានផ្នែក Trust & Safety របស់ Twitter បានប្រាប់ NPR ថា គណនីទាំងឡាយណាដែលបំពានគោលការណ៍ឯកជនភាព និងធ្វើឱ្យអ្នកប្រើប្រាស់ផ្សេងទៀតប្រឈមនឹងហានិភ័យ នឹងត្រូវបានផ្អាកទាំងអស់។

គួរឲ្យដឹងថា​ ចាប់តាំងពីទិញបាន Twitter ជាមួយតម្លៃ​ ៤៤ ពាន់លានដុល្លារមក បញ្ហាជាច្រើនកើតមានឡើងជានិច្ច ក្រោមស្នាដៃមហាសេដ្ឋីលោក Elon Musk ៕

ប្រែសម្រួលដោយ ៖ រតនៈ

ប្រភព ៖ Aljazeera

ចុចអាន ៖ Elon Musk លក់ចេញភាគហ៊ុន Tesla ម្តងទៀត បានលុយជាង ៣.៦ ពាន់លានដុល្លារ