លោក ពូទីន ពន្យល់ហេតុផល នៃការលុបចោលសុន្ទរកថាប្រចាំឆ្នាំ (មានវីដេអូ)

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានពន្យល់ថា ការលុបចោលសុន្ទរកថាប្រចាំឆ្នាំទៅកាន់សភាសហព័ន្ធរុស្ស៊ី គឺដោយសារ វាពិបាកសម្រាប់លោក ក្នុងការបង្ហាញលទ្ធផល និងផែនការដែលផ្លាស់ប្តូរភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន បានពន្យល់បែបនេះ ក្នុងសន្និសីទសារព័ត៌មានមួយ កាលពីថ្ងៃព្រហស្បតិ៍ ទី២២ ខែធ្នូ។

លោកនិយាយថា “ក៏មិនមានសុន្ទរកថាដែរកាលពីឆ្នាំ២០១៧។ បញ្ហាគឺថា ព្រឹត្តិការណ៍ មានការផ្លាស់ប្តូរលឿនៗ ហើយស្ថានភាពកំពុងអភិវឌ្ឍគួរឲ្យកត់សម្គាល់។ ដូច្នេះហើយ វាពិតជាលំបាកក្នុងការកត់ត្រាលទ្ធផល និងធ្វើផែនការជាក់លាក់ ឲ្យទាន់ពេល។ នាពេលអនាគត ដ៏ជាក់លាក់ យើងពិតជានឹងធ្វើវានៅដើមឆ្នាំ”។

គួរបញ្ជាក់ថា លោក ពូទីន បានលុបចោលផែនការបុណ្យចូលឆ្នាំថ្មីតាមប្រពៃណីរបស់លោកនៅឆ្នាំនេះ រួមទាំងសន្និសីទសារព័ត៌មាន និងសុន្ទរកថារបស់លោកទៅកាន់សភាសហព័ន្ធរុស្ស៊ីផងដែរ។

ទោះបីជាយ៉ាងណាក៏ដោយ វិទ្យាស្ថានសម្រាប់ការសិក្សាសង្គ្រាម (ISW) បានលើកឡើងពីការខ្វះខាតរបៀបវារៈវិជ្ជមាន ថាជាហេតុផលមួយក្នុងចំណោមហេតុផលសម្រាប់ការលុបចោលសុន្ទរកថានេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Yahoo

ចុចអាន៖ លោក ពូទីន ប្រកាសដាក់ប្រើប្រាស់សព្វាវុធថ្មីៗ ក្នុងពេលឆាប់ៗ