អត្រាអ្នកអត់ការងារធ្វើនៅ ឥណ្ឌា កើនឡើងខ្ពស់ក្នុងរយៈពេល ១៦ ខែ

អត្រាអ្នកអត់ការងារធ្វើរបស់ប្រទេសឥណ្ឌាបានកើនឡើងដល់កម្រិតខ្ពស់ក្នុងរយៈពេល ១៦ ខែគិតត្រឹមខែធ្នូ ដោយសារការបង្កើតការងារនៅក្នុងសេដ្ឋកិច្ចដែលកំពុងធ្លាក់ចុះ ក៏ដូចជាបរាជ័យក្នុងការរក្សាល្បឿនសេដ្ឋកិច្ចជាមួយនឹងកម្លាំងពលកម្ម ។

បើយោងតាមទិន្នន័យពីមជ្ឈមណ្ឌលសម្រាប់តាមដានសេដ្ឋកិច្ចឥណ្ឌា Pvt.Ltd បានឲ្យដឹងថា អត្រាគ្មានការងារធ្វើសរុបនៅឥណ្ឌាកើនឡើងដល់ ៨.៣ ភាគរយ ពោលកើនឡើងពី ៨ ភាគរយនៅក្នុងខែវិច្ឆិកា ។

ការកើនឡើងនៃភាពអត់ការងារធ្វើនេះកើតឡើង ចំពេលដែលតម្រូវការធ្លាក់ចុះ បន្ទាប់ពីរដូវកាលបុណ្យធំៗនៅក្នុងប្រទេស ។ ជាមួយគ្នានោះ សេដ្ឋកិច្ច​ឥណ្ឌា​ត្រូវ​បាន​គេ​មើល​ឃើញ​ថា​មាន​ការ​ធ្លាក់​ចុះ ខណៈ​អត្រា​ការ​ប្រាក់​កាន់​តែ​តឹង​តែង​ធ្វើ​ឲ្យ​តម្រូវ​ការ​ទំនិញ និង​សេវាកម្ម​ធ្លាក់​ចុះ ហើយ​ការ​នាំ​ចេញក៏​ធ្លាក់​ចុះថែមទៀត ។

ចំណែកការចំណាយលើការខ្ចីប្រាក់បានកើនឡើងជិត ២.២៥ ភាគរយកាលពីឆ្នាំមុន ដោយសារអតិផរណានៅលើកម្រិតគោលដៅរបស់ធនាគារកណ្តាល ដែលភាគច្រើននៃឆ្នាំ ២០២២ ។

ទន្ទឹមនឹងនោះ ការកើនឡើងនៃភាពអត់ការងារធ្វើ ក៏ជាល្បិចកលជាពិសេសសម្រាប់រដ្ឋាភិបាល ដោយសារប្រតិទិននយោបាយដ៏មមាញឹកនៅក្នុងឆ្នាំនេះ ជាមួយនឹងការបោះឆ្នោតដែលនឹងត្រូវធ្វើឡើងនៅក្នុងរដ្ឋសំខាន់ៗ រួមមាន Karnataka, Madhya Pradesh, Rajasthan និង Telangana ខណៈការបោះឆ្នោតទូទៅនឹងត្រូវធ្វើឡើងនៅរដូវក្តៅឆ្នាំ ២០២៤ ដែលនាយករដ្ឋមន្ត្រី Narendra Modi ត្រូវបានគេរំពឹងថានឹងស្វែងរកអាណត្តិទីបីនៅក្នុងអំណាច ។

ដោយឡែក ជាមួយទិន្នន័យនេះបានបង្ហាញថា អត្រាអ្នកអត់ការងារធ្វើនៅទីក្រុងបានកើនឡើងដល់ ១០.០៩ ភាគរយ កាលពីខែមុន ពី ៨.៩៦ ភាគរយក្នុងខែវិច្ឆិកា ខណៈពេលដែលអ្នកអត់ការងារធ្វើនៅតាមជនបទបានធ្លាក់ចុះមកនៅត្រឹម ៧.៤៤ ភាគរយពី ៧.៥៥ ភាគរយ ៕

ប្រែសម្រួលដោយ ៖ រតនៈ

ប្រភព ៖​ BNN Bloomberg