រកឃើញ សត្វគីង្គក់យក្ស នៅប្រទេស អូស្រ្តាលី

សត្វគីង្គក់យក្សមួយក្បាល​ ត្រូវ​បាន​រក​ឃើញ​នៅ​ក្នុង​ព្រៃ​ទឹកភ្លៀង​ ភាគ​ខាង​ជើង​ប្រទេស​អូស្ត្រាលី។

វាមានទំហំធំជាងសត្វគីង្គក់ធម្មតា ៦ដង និងមានទម្ងន់២.៧គីឡូក្រាម ហើយអាចបំបែកឯតទគ្គកម្មពិភពលោក។

គីង្គក់ គឺជាប្រភេទសត្វ ដែលរងការបំផ្លិចបំផ្លាញនៅក្នុងប្រទេសអូស្រ្តាលី ហើយបច្ចុប្បន្នត្រូវបានគេប៉ាន់ស្មានថា មានជាង២ពាន់លានក្បាល។

អនុរក្សឧទ្យាន Kylee Gray បាននិយាយថា នាងស្ទើរតែមិនជឿនឹងភ្នែក នៅពេលប្រទះឃើញសត្វគីង្គក់ដ៏ធំបែបនេះជាលើកដំបូង ខណៈនាងល្បាតក្នុងរដ្ឋ Queensland។

ភ្លាមនោះ ក្រុមរបស់នាងបានចាប់សត្វគីង្គក់នេះ យកទៅថ្លឹង។ ពួកគេដឹងថា សត្វនេះច្បាស់ជាធ្ងន់ណាស់ ប៉ុន្តែមានការភ្ញាក់ផ្អើលដែលដឹងថា វាអាចបង្កើតកំណត់ត្រាពិភពលោកថ្មីមួយ។

គួរបញ្ជាក់ថា កំណត់ត្រាពិភពលោក Guinness បច្ចុប្បន្នសម្រាប់សត្វគីង្គក់ធំបំផុត គឺមានទម្ងន់២.៦៥គីឡូក្រាម នៅប្រទេសស៊ុយអែត ក្នុងឆ្នាំ១៩៩១៕

ប្រែសម្រួល៖ Vann Vann

ប្រភព៖ BBC

ចុចអាន៖ ហូបប៉ះគីង្គក់ពុល ត្រូវដឹងពីរោគសញ្ញា និងវិធីសាស្ត្រជួយសង្រ្គោះអ្នកជំងឺទាន់ពេលវេលា