ព័ត៌មានអន្ដរជាតិ
ពូទីន ចេញមុខព្រមានខ្លាំងៗទៅលោកខាងលិច រឿងផ្គត់ផ្គង់រថក្រោះឲ្យ អ៊ុយក្រែន (មានវីដេអូ)
ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានរិះគន់ចំពោះការផ្គត់ផ្គង់រថក្រោះដែលផលិតដោយលោកខាងលិចទៅឲ្យអ៊ុយក្រែន ដោយព្រមានថា ការឆ្លើយតបរបស់ទីក្រុងមូស្គូចំពោះការគំរាមកំហែងនេះ នឹងលាតសន្ធឹងហួសពីរថពាសដែកទៅទៀត។
មេដឹកនាំរុស្ស៊ី បានធ្វើអត្ថាធិប្បាយបែបនេះ ក្នុងពិធីរំលឹកខួបលើកទី៨០នៃជ័យជម្នះនៅសមរភូមិ Stalingrad។
លោកពូទីននិយាយថា “មិនគួរឲ្យជឿ ប៉ុន្តែជាការពិត! យើងត្រូវបានគំរាមកំហែងម្តងទៀតជាមួយនឹងរថក្រោះ Leopard របស់អាល្លឺម៉ង់។ ហើយជាថ្មីម្តងទៀត ពួកគេកំពុងព្យាយាមប្រយុទ្ធជាមួយរុស្ស៊ីនៅអ៊ុយក្រែន ដោយមានជំនួយពីអ្នកដើរតាមហ៊ីត្លែរ គឺក្រុម Banderites”។
លោកបន្ថែមថា “អ្នកដែលចង់កម្ចាត់រុស្ស៊ីនៅលើសមរភូមិ ជាក់ស្តែងមិនបានដឹងថាសង្រ្គាមសម័យទំនើបជាមួយរុស្ស៊ីនឹងខុសគ្នាទាំងស្រុងសម្រាប់ពួកគេនោះទេ។ យើងមិនបញ្ជូនរថក្រោះរបស់យើងទៅព្រំដែនរបស់ពួកគេឡើយ ប៉ុន្តែយើងមានអ្វីត្រូវឆ្លើយតប ហើយវានឹងមិនកំណត់ចំពោះតែការប្រើរថពាសដែកនោះទេ អ្នករាល់គ្នាត្រូវតែដឹងអំពីរឿងនេះ”។
កាលពីសប្តាហ៍មុន ទីក្រុងបែរឡាំង បានផ្លាស់ប្តូរជំហររបស់ខ្លួនលើការផ្គត់ផ្គង់គ្រឿងសឹកទំនើបដល់ទីក្រុងកៀវ ដោយសន្យាថា នឹងផ្តល់រថក្រោះ Leopard 2 ចំនួន១៤គ្រឿង ក៏ដូចជាអនុញ្ញាតឲ្យបណ្តាប្រទេសនៅអឺរ៉ុប អាចនាំចេញរថពាសដែកដែលផលិតដោយអាល្លឺម៉ង់ពីស្តុកផ្ទាល់ខ្លួនរបស់ពួកគេវិញបានផងដែរ។
ដោយឡែក ទីក្រុងវ៉ាស៊ីនតោន បានសន្យាថានឹងបញ្ជូនរថក្រោះ Abrams ចំនួន៣១គ្រឿង ប៉ុន្តែមិនរំពឹងថានឹងបញ្ជូនទៅលឿនទេ ដោយឆាប់បំផុតក៏ត្រូវចាំរហូតដល់ចុងឆ្នាំ២០២៣ដែរ។
យ៉ាងណាក្តី ទីក្រុងមូស្គូបានអះអាងម្តងហើយម្តងទៀតឲ្យបណ្តាប្រទេសលោកខាងលិច ឈប់បញ្ជូនសព្វាវុធទំនើបទៅឲ្យអ៊ុយក្រែន ដោយព្រមានថា ជំនួយយោធាដែលកំពុងបន្តផ្តល់ទៅទីនោះ នឹងគ្រាន់តែអូសបន្លាយអរិភាពនិងធ្វើឲ្យមានការឈឺចាប់កាន់តែខ្លាំងលើអ៊ុយក្រែនប៉ុណ្ណោះ ដោយមិនអាចផ្លាស់ប្តូរលទ្ធផលចុងក្រោយនៃជម្លោះបានទេ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ព្រមានប្រទេសមួយទៀត ថានឹងក្លាយជា “អ៊ុយក្រែនទី២”
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង