ព័ត៌មានអន្ដរជាតិ

អាមេរិក រឹបអូសទ្រព្យសម្បត្តិពីអ្នកមាន រុស្ស៊ី ឲ្យ អ៊ុយក្រែន យកទៅស្ដារប្រទេស

បានផុស

១ year មុន

នៅ

ថ្ងៃអាទិត្យ ៥ កុម្ភៈ ២០២៣

ដោយ

អគ្គមេធាវីអាមេរិកលោក Merrick Garland បានប្រកាសកាលពីថ្ងៃសុក្រពីការផ្ទេរទ្រព្យសម្បត្តិដំបូង ដែលរឹបអូសនិងជាផ្នែកនៃទណ្ឌកម្មប្រឆាំងរុស្ស៊ីទៅឲ្យអ៊ុយក្រែនទាំងអស់ ដើម្បីចំណាយលើការកសាងប្រទេសឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Garland បាននិយាយថា “ដោយមានការអនុញ្ញាតពីខ្ញុំនៅថ្ងៃនេះ មូលនិធិដែលបានកំណត់ នឹងត្រូវផ្ទេរទៅឲ្យក្រសួងការបរទេសដើម្បីគាំទ្រប្រជាជនអ៊ុយក្រែន” ដោយបន្ថែមថា មូលនិធិត្រូវបានរឹបអូសបន្ទាប់ពីការចោទប្រកាន់ប្រឆាំងនឹងលោក Malofeyev ដែលបានចេញកាលពីខែមេសាមុន។

ដោយឡែក កាលពីដើមសប្តាហ៍នេះ តុលាការសហព័ន្ធក្នុងទីក្រុងញូវយ៉ក បានអនុញ្ញាតឲ្យរដ្ឋអាជ្ញារឹបអូសទឹកប្រាក់ចំនួន ៥.៤ លានដុល្លារ ពីពាណិជ្ជកររុស្ស៊ីលោក Konstantin Malofeyev ក្រោមការចោទប្រកាន់ពីបទគេចវេស ពីការដាក់ទណ្ឌកម្ម នេះបើយោងតាមមន្ត្រីកំពូលបាននិយាយយ៉ាងដូច្នេះ។

សូមរម្លឹកដែរថា កាលពីខែធ្នូ ប្រធានាធិបតីអាមេរិក Joe Biden បានចុះហត្ថលេខាលើច្បាប់អនុញ្ញាតឲ្យក្រសួងយុត្តិធម៌ផ្ទេរទ្រព្យសម្បត្តិដែលបានរឹបអូសទៅក្រសួងការបរទេសដើម្បីជួយអ៊ុយក្រែន។ ច្បាប់របស់សហរដ្ឋអាមេរិកដាក់កម្រិតពីរបៀបដែលរដ្ឋាភិបាល អាចប្រើប្រាស់ទ្រព្យសម្បត្តិបែបនេះបាន៕

ប្រែសម្រួល៖ សាង ស្រីល័ក្ខ

ប្រភព៖RT

ចុចអាន៖អាមេរិក បើកដៃឲ្យអ៊ុយក្រែន បាញ់រ៉ុកកែតចូលដីរុស្ស៊ី តាមចិត្ត