តារាហូលីវូដ Angelina Jolie ចេញមុខសុំការបរិច្ចាគជួយដល់តួកគី និងស៊ីរី

កំពូលតារាហូលីវូដ Angelina Jolie បានអំពាវនាវកាលពីថ្ងៃសៅរ៍ម្សិលមិញ សុំឱ្យមានការបរិច្ចាគទៅ តួកគី និងស៊ីរី បន្ទាប់ពីប្រទេសទាំងពីររងការបំផ្លិចបំផ្លាញដោយគ្រោះរញ្ជួយដីដែលបានសម្លាប់មនុស្សរាប់ពាន់នាក់​ កាលពីដើមសប្តាហ៍នេះ។

តារាស្រីវ័យ ​៤៧ឆ្នាំរូបនេះ ថ្លែងនៅលើបណ្ដាញ Instagram ថា ខ្លួនមានសេចក្ដីក្រៀមក្រំយ៉ាងខ្លាំង ក្រោយឃើញសោកនាដកម្មនៅ តួកគី និងស៊ីរី ហើយនាងបានស្នើសុំផ្ដល់ការបរិច្ចាគគ្រប់ទម្រង់ ដើម្បីជួយដល់ក្រុមអ្នកសង្គ្រោះ និងជនរងគ្រោះទាំងអស់។

គួររំលឹកថា ប្រទេសតួកគី និងស៊ីរី ​បានរងការរញ្ជួយដីកម្រិត ៧.៧ និង ៧.៦រ៉ិចទ័រ ដែលស្ថិតនៅកណ្តាលទីក្រុង Kahramanmaras បង្កឱ្យប៉ះពាល់ដល់មនុស្សជាង ១៣លាននាក់ នៅក្នុងខេត្តចំនួន ១០។ ជាមួយគ្នានោះ ប្រទេស​ជា​ច្រើន​ក្នុង​តំបន់ រួម​ទាំង​ប្រទេស​ស៊ីរី និង​លីបង់ ក៏បាន​ទទួល​​ការរញ្ជួយដី​ខ្លាំង​ផងដែរ៕

ប្រែសម្រួល៖ សន្យា

ប្រភព៖ Anadolu

ចុចអាន៖ ក្មេងប្រុសមហាសំណាង ត្រូវសង្គ្រោះបានពីក្រោមគំនរបាក់បែក ក្រោយជាប់ ៤ថ្ងៃ