ព័ត៌មានអន្ដរជាតិ
ព្យុះស៊ីក្លូន Gabrielle វាយប្រហារ នូវែលសេឡង់ ខណៈតំបន់ខ្លះ ប្រកាសអាសន្ន
ផ្ទះប្រហែល៤៦០០០ខ្នង មិនមានអគ្គិសនីប្រើប្រាស់ ខណៈព្យុះស៊ីក្លូន Gabrielle វាយប្រហារភាគខាងជើងប្រទេសនូវែលសេឡង់។
អាជ្ញាធរ បានចេញការព្រមានអំពីភ្លៀងធ្លាក់ខ្លាំង និងខ្យល់កន្ត្រាក់ ហើយជើងហោះហើររាប់រយ ត្រូវបានលុបចោល។ តំបន់ខ្លះ ថែមទាំងបានប្រកាសដាក់ក្នុងគ្រាអាសន្ន ទៀតផង។
ព្យុះនេះ កើតឡើងប៉ុន្មានសប្តាហ៍ បន្ទាប់ពីទីក្រុង Auckland និងតំបន់ជុំវិញ ត្រូវបានវាយប្រហារដោយជំនន់ទឹកភ្លៀង និងសម្លាប់មនុស្សចំនួន៤នាក់។
នាយករដ្ឋមន្ត្រីនូវែលសេឡង់ លោក Chris Hipkins បានប្រកាសផ្តល់កញ្ចប់ជំនួយក្នុងទំហំទឹកប្រាក់៧.៣លានដុល្លារអាមេរិក ហើយនិយាយថា “ព្រឹត្តិការណ៍អាកាសធាតុអាក្រក់ បានកើតឡើងក្រោយព្រឹត្តិការណ៍អាកាសធាតុធ្ងន់ធ្ងរ។ អ្វីៗទំនងជាកាន់តែអាក្រក់ទៅៗ មុនពេលប្រសើរឡើងវិញ”។
ចំណែក រដ្ឋមន្ត្រីគ្រប់គ្រងគ្រាអាសន្ន លោក Kieran McAnulty បានប្រាប់សន្និសីទកាសែតខ្លីមួយនៅថ្ងៃចន្ទទី១៣ខែកុម្ភៈថា រដ្ឋាភិបាល កំពុងពិចារណាប្រកាសភាពអាសន្នថ្នាក់ជាតិជាលើកទីបី ក្នុងប្រវត្តិសាស្ត្ររបស់ប្រទេស។
ភាពអាសន្ន ត្រូវបានប្រកាសរួចទៅហើយនៅក្នុងតំបន់ភាគខាងជើងចំនួន៥ រួមទាំងទីក្រុង Auckland ផងដែរ។ សេចក្តីប្រកាសនេះ ផ្តល់ឲ្យអាជ្ញាធរមូលដ្ឋាននូវអំណាចកាន់តែច្រើន ក្នុងការឆ្លើយតបទៅនឹងស្ថានភាពគ្រោះថ្នាក់ ហើយអនុញ្ញាតឲ្យពួកគេរឹតបន្តឹងការធ្វើដំណើរ និងផ្តល់ជំនួយ។
សាលារៀន និងទីតាំងរដ្ឋាភិបាលក្នុងតំបន់ជាច្រើននៅទូទាំងទីក្រុង Auckland និងកោះភាគខាងជើងត្រូវបិទទ្វារ ហើយមនុស្សត្រូវបានស្នើសុំកុំឲ្យធ្វើដំណើរប្រសិនបើអាច។
ទន្ទឹមនឹងនេះ អតិថិជនរបស់ក្រុមហ៊ុនអាកាសចរណ៍ Air New Zealand អន្តរជាតិប្រហែល ១ម៉ឺននាក់ត្រូវបានរំខានដោយការលុបចោលជើងហោះហើរចំនួន ៥០៩ជើង៕
ប្រែសម្រួល៖ Vann Vann
ប្រភព៖ BBC
ចុចអាន៖ ប្រជាជននូវែលសេឡង់ជិត ២លាននាក់ កំពុងត្រៀមទប់ទល់ព្យុះដ៏ខ្លាំងក្លា នៅយប់នេះ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង