Connect with us

ព័ត៌មានអន្ដរជាតិ

អ៊ុយក្រែន ប្រឈមមុខនឹងសត្រូវពីរ ក្នុងពេលតែមួយ

បានផុស

នៅ

ជិតមួយឆ្នាំក្នុងសង្រ្គាមរុស្ស៊ី-អ៊ុយក្រែន, មនុស្សរាប់សែននាក់បានស្លាប់ ហើយជិត១៧.៦លាននាក់ ត្រូវការជំនួយមនុស្សធម៌យ៉ាងខ្លាំង។

ខណៈរដ្ឋាភិបាលអ៊ុយក្រែន នៅតែបន្តប្រយុទ្ធប្រឆាំងនឹងប្រទេសរុស្ស៊ីនោះ ទីក្រុងកៀវ ក៏កំពុងប្រឈមមុខនឹងសត្រូវមួយផ្សេងទៀតដែលបានវាយលុកប្រទេសអស់រយៈពេលជាច្រើនឆ្នាំមកហើយដែរ នោះគឺអំពើពុករលួយ។

ក្នុងអំឡុងពេលប៉ុន្មានសប្តាហ៍ចុងក្រោយ អាជ្ញាធរអ៊ុយក្រែនបានឆ្មក់ចូលផ្ទះរបស់អតីតរដ្ឋមន្ត្រីក្រសួងមហាផ្ទៃរបស់ប្រទេសនេះ ហើយបានបណ្តេញមន្ត្រីរដ្ឋាភិបាលជាន់ខ្ពស់អស់ជាច្រើននាក់ ដែលត្រូវបានចោទប្រកាន់ពីបទស៊ីសំណូក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Oleksii Reznikov រដ្ឋមន្ត្រីការពារជាតិអ៊ុយក្រែន ក៏នឹងត្រូវជំនួសតំណែងផងដែរ បន្ទាប់ពីអ្នកកាសែត និងសកម្មជនរកឃើញថា ក្រសួងការពារជាតិ បានទិញស្បៀងសម្រាប់ទាហានក្នុងតម្លៃដ៏ច្រើនសន្ធឹកសន្ធាប់។

ថ្វីបើសហរដ្ឋអាមេរិក សហភាពអឺរ៉ុប និងអង្គការណាតូ បានសន្យាថានឹងបន្តជួយអ៊ុយក្រែនក៏ដោយ ប៉ុន្តែអ្នកនយោបាយ និងមន្ត្រីយោធាមួយចំនួននៅលោកខាងលិច បានចង្អុលទៅអំពើពុករលួយនៅក្នុងប្រទេសនេះ ហើយចោទសួរថាតើ អ៊ុយក្រែនបានធ្វើល្អជាមួយជំនួយដែលខ្លួនទទួលបានដែរឬអត់។

លោក Volodymyr Dubovyk សាស្ត្រាចារ្យផ្នែកទំនាក់ទំនងអន្តរជាតិនៅសាកលវិទ្យាល័យ Mechnikov National University ក្នុងទីក្រុង Odesa ប្រទេសអ៊ុយក្រែន បានប្រាប់ Al Jazeera ថា “ពិតជាមានទំនាក់ទំនងរវាងចលនាប្រឆាំងអំពើពុករលួយ និងបំណងប្រាថ្នារបស់លោក Zelenskyy ក្នុងការរក្សាជំនួយផ្នែកយោធារបស់លោកខាងលិចមែន”។

លោក Dubovyk និយាយថា “Zelenskyy យល់ថា គាត់គួរតែដោះស្រាយបញ្ហានេះឲ្យបានលឿន និងដោយម៉ឺងម៉ាត់ជាទីបំផុតមិនបង្អង់យូរ ហើយគាត់យល់ថា មានមនុស្សនៅក្នុងសហរដ្ឋអាមេរិក និងលោកខាងលិចដែលហៅអ៊ុយក្រែនថា ពុករលួយហួសហេតុ។ ការ​ភ័យ​ខ្លាច​ដ៏​អាក្រក់​បំផុត​របស់​អ៊ុយក្រែន​គឺ​ថា ​អាមេរិក​ និង​លោក​ខាង​លិច​នឹង​បោះ​បង់​ចោលខ្លួន​ ហើយ​លំហូរ​នៃ​អាវុធ​នឹង​បញ្ឈប់​”។

នៅឆ្នាំ២០២២ សហរដ្ឋអាមេរិកបានផ្តល់ប្រាក់ចំនួន៤៨ពាន់លានដុល្លារដល់អ៊ុយក្រែន ជាជំនួយផ្នែកយោធា ហិរញ្ញវត្ថុ និងមនុស្សធម៌រួមបញ្ចូលគ្នា។

កាលពីខែមករា តំណាងរាស្រ្តគណបក្សសាធារណរដ្ឋលោកស្រី Marjorie Taylor Greene បានហៅអ៊ុយក្រែនថា ជាប្រទេសពុករលួយបំផុតមួយនៅក្នុងពិភពលោក ហើយកាលពីខែវិច្ឆិកាឆ្នាំមុន លោកស្រី Greene ក៏បានណែនាំសេចក្តីសម្រេចមួយនៅក្នុងសភាអាមេរិកផងដែរ ដោយអំពាវនាវឲ្យមានសវនកម្មលើជំនួយទាំងអស់ ដែលត្រូវបានបញ្ជូនទៅឲ្យអ៊ុយក្រែន៕

ប្រែសម្រួល៖ Vann Vann

ប្រភព៖ Aljazeera

ចុចអាន៖ ប្រមុខណាតូ ថា ការវាយលុកថ្មីរបស់រុស្ស៊ី ចាប់ផ្តើមហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៣ នាទី មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ១ ម៉ោង មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៤ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៤ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ៥ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ១០ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៨ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១១ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១៣ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៩ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម