ព័ត៌មានអន្ដរជាតិ
ជំនួយគ្រោះរញ្ជួយដី ដឹកទៅភាគពាយព្យប្រទេសស៊ីរីជាលើកដំបូង ខណៈមនុស្សស្លាប់កើនលើស ៤ម៉ឺននាក់ (មានវីដេអូ)
ក្បួនរថយន្តដឹកជំនួយ បានធ្វើដំណើរឆ្លងកាត់ព្រំដែនដែលបើកឡើងវិញ ចូលទៅក្នុងប្រទេសស៊ីរីភាគពាយព្យដែលគ្រប់គ្រងដោយក្រុមឧទ្ទាមប្រឆាំងរដ្ឋាភិបាល។
ខណៈក្តីសង្ឃឹមកាន់តែរលាយបាត់ ក្នុងការស្វែងរកមនុស្សនៅរស់ក្រោមគំនរអគាររយៈពេលជាង២០០ម៉ោងបន្ទាប់ពីការរញ្ជួយដីកម្រិត៧.៨រ៉ិចទ័រនោះ ពេលនេះ ការផ្តោតសំខាន់គឺបានបង្វែរទៅជាការផ្តល់ស្បៀងអាហារ និងទីជម្រកដល់អ្នកនៅរស់រានមានជីវិតវិញ។ ចំនួនអ្នកស្លាប់នៅក្នុងប្រទេសតួកគីនិងស៊ីរី បានកើនឡើងលើសពី ៤ម៉ឺននាក់ហើយ បើគិតត្រឹមព្រឹកថ្ងៃពុធទី១៥ខែកុម្ភៈ។
ដំណើរដឹកជំនួយនេះ គឺជាលើកទីមួយហើយដែលក្បួនរថយន្តរបស់អង្គការសហប្រជាជាតិ (UN) បានប្រើប្រាស់ច្រកព្រំដែននេះ ដើម្បីផ្តល់ជំនួយចាប់តាំងពីត្រូវបិទក្នុងឆ្នាំ២០២០។
UN និយាយថា រថយន្តដឹកជំនួយមនុស្សធម៌ចំនួន១១គ្រឿង បានឆ្លងកាត់ច្រកព្រំដែន Bab al-Salam។
ទន្ទឹមនោះ រថយន្តដឹកជំនួយអន្តរភ្នាក់ងារចំនួន២៦គ្រឿងផ្សេងទៀត បានឆ្លងកាត់ច្រកព្រំដែន Bab al-Hawa ដែលជាច្រកចូលតែមួយគត់ សម្រាប់ជំនួយមនុស្សធម៌របស់ UN ដើម្បីទៅឲ្យដល់ប្រជាជនដោយផ្ទាល់ នៅភាគពាយព្យប្រទេសស៊ីរី។
ប្រធានផ្នែកមនុស្សធម៌របស់ UN លោក Martin Griffiths បានសរសេរនៅលើ Twitter ថា “ជំនួយឆ្លងដែនរបស់ UN គឺជាខ្សែជីវិត”។
គួរបញ្ជាក់ថា ក្បួនរថយន្តនេះបានឆ្លងកាត់ មួយថ្ងៃបន្ទាប់ពីប្រធានាធិបតីស៊ីរីលោក Bashar al-Assad យល់ព្រមអនុញ្ញាតឲ្យជំនួយរបស់ UN ចូលមកពីប្រទេសតួកគី តាមច្រកព្រំដែនចំនួនពីរបន្ថែមទៀត៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Aljazeera
ចុចអាន៖ មិនគួរឲ្យជឿ! ក្មេងស្រីតួកគី ជាប់ក្រោមគំនរអគារជាងមួយសប្តាហ៍ ត្រូវសង្គ្រោះបាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង