បន្ទាប់ពីធ្លាក់ខ្លួន​ក្លាយជាមហាសេដ្ឋីលំដាប់លេខ ២ របស់ពិភពលោកមិនបានប៉ុន្មានផង ពេលនេះ លោក Elon Musk ឡើងមកអង្គុយកៅអីកំពូលតារាងវិញ ជាអ្នកមានទ្រព្យសម្បត្តិលំដាប់លេខ ១ ជំនួសគ្រួសារ LV ។

បើយោងតាមសារព័ត៌មាន Bloomberg បានចុះផ្សាយកាលពីពេលថ្មីៗនេះថា ការកើនឡើងនៅក្នុងភាគហ៊ុន Tesla បានលើក Elon Musk ត្រឡប់ទៅអង្គុយកៅអីកំពូលជាមហាសេដ្ឋីមានជាងគេបំផុតវិញ ។ ដោយគិតត្រឹមថ្ងៃចន្ទ ទ្រព្យសម្បត្តិសុទ្ធរបស់ Elon Musk មានប្រហែល ១៨៧.១ ពាន់លានដុល្លារ ខណៈទ្រព្យសម្បត្តិរបស់គ្រួសារមហាសេដ្ឋី Bernard Arnault នៃម៉ាកយីហោ LV មានត្រឹមតែ ១៨៥.៣ ពាន់លានដុល្លារប៉ុណ្ណោះ ។

ភាគហ៊ុន Tesla បានធ្លាក់ចុះយ៉ាងខ្លាំងកាលពីឆ្នាំមុន គឺចំពេលដែល Elon Musk មានបញ្ហាក្នុងការទិញ Twitter និងការធ្លាក់ចុះទីផ្សារកាន់តែខ្លាំងនៅក្នុងបច្ចេកវិទ្យា ខណៈទើបតែឆ្នាំ ២០២៣ នេះទេដែលភាគហ៊ុន Tesla បានងើបឡើងវិញ ។

គួរបញ្ជាក់ថា មុនឡើងមកលំដាប់កំពូលមួយនេះ Elon Musk ក៏ជួបកំណត់ត្រាអាក្រក់បំផុតក្នុងប្រវត្តិសាស្រ្តផងដែរ គឺការបាត់បង់ទ្រព្យសម្បត្តិដ៏ធំបំផុតរបស់លោក ដែលមានចំនួន ២០០ ពាន់លានដុល្លារកាលពីឆ្នាំមុន ៕

ប្រែសម្រួលដោយ ៖ នាង រតនៈ

ប្រភព ៖ CNN

ចុចអាន ៖ អតីតប្រធានធនាគារចិន Merchants Bank ត្រូវចោទប្រកាន់ពីបទ ស៊ីសំណូក