ព័ត៌មានអន្ដរជាតិ

ចិន ប្រាប់អាស៊ាន នៅឲ្យឆ្ងាយពីការប្រកួតប្រជែងអំណាច រវាងប្រទេសធំៗ

បានផុស

៣ years មុន

នៅ

ថ្ងៃអង្គារ ៧ មីនា ២០២៣

ដោយ

រដ្ឋមន្ត្រីការបរទេសចិន លោក Qin Gang បាននិយាយនៅថ្ងៃអង្គារទី០៧ ខែមីនាថា សមាគមប្រជាជាតិអាស៊ីអាគ្នេយ៍ (អាស៊ាន) គួរតែនៅឲ្យឆ្ងាយពីការប្រកួតប្រជែងអំណាចណាមួយ រវាងប្រទេសធំៗ។

ក្នុងកិច្ចប្រជុំសភាប្រចាំឆ្នាំនៅទីក្រុងប៉េកាំង លោក Qin ក៏បាននិយាយផងដែរថា អាស៊ានមិនអាចជាភ្នាក់ងារនៃកម្លាំងខាងក្រៅណាមួយឡើយ។

រដ្ឋមន្ត្រីការបរទេសចិនបានលើកឡើងបែបនេះ ជាការឆ្លើយតបទៅនឹងសំណួរអំពីរបៀបដែលប្រទេសក្នុងតំបន់កំពុងរងសម្ពាធ ហើយមើលឃើញថា វាកាន់តែពិបាកឡើងៗក្នុងការពឹងផ្អែកលើសហរដ្ឋអាមេរិកដើម្បីធានាលើផ្នែកសន្តិសុខ និងលើប្រទេសចិនលើផ្នែកសេដ្ឋកិច្ច។

លោកនិយាយថា យុទ្ធសាស្ត្រឥណ្ឌូប៉ាស៊ីហ្វិករបស់សហរដ្ឋអាមេរិក គឺជាការប៉ុនប៉ងបង្កើត “ភាពផ្តាច់មុខ” ដែលប៉ះពាល់ដល់ផលប្រយោជន៍របស់ប្រទេសក្នុងតំបន់។ លោកបន្ថែមថា ការប៉ុនប៉ងណាមួយដើម្បីគាបប្រទេសចិនគឺនឹងត្រូវបរាជ័យ។

លោកបន្តថា ក្នុងនាមជាអ្នកជំរុញការអភិវឌ្ឍសកល អាមេរិកគួរតែរៀបចំវេទិកាសម្រាប់កិច្ចសហប្រតិបត្តិការឈ្នះឈ្នះ ជាជាងការធ្វើជាក្តារអុក សម្រាប់ការប្រកួតប្រជែងភូមិសាស្ត្រនយោបាយ។

ជាចុងក្រោយលោកបានបញ្ជាក់ថា មិនគួរបញ្ឆេះសង្រ្គាមត្រជាក់ទេ ហើយវិបត្តិដូចនៅអ៊ុយក្រែន មិនគួរកើតឡើងម្តងទៀតឡើយនៅអាស៊ី៕

ប្រែសម្រួល៖ Vann Vann

ប្រភព៖ CNA

ចុចអាន៖ យោធា មី យ៉ាន់ ម៉ា ប្រតិកម្មខ្លាំងៗលើ អាស៊ាន បន្ទាប់ ពី ត្រូវ រារាំង មិនឲ្យ ប្រជុំ