Connect with us

ព័ត៌មានអន្ដរជាតិ

កូរ៉េខាងជើងព្រមាន! សង្គ្រាមនុយក្លេអ៊ែរមែនទែន ជិតផ្ទុះឡើងហើយ (មានវីដេអូ)

បានផុស

នៅ

ប្រទេសកូរ៉េខាងជើង បានព្រមានអំពីការគំរាមកំហែង “ពិតប្រាកដ” នៃជម្លោះនុយក្លេអ៊ែរ បន្ទាប់ពីសមយុទ្ធយោធាចុងក្រោយបំផុតរបស់អាមេរិក និងកូរ៉េខាងត្បូង ហើយបានព្យាករអំពីការកើនឡើងនៃមហន្តរាយនៅក្នុងតំបន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងការបរទេសកូរ៉េខាងជើង បានចេញសេចក្តីថ្លែងការណ៍មួយកាលពីថ្ងៃពុធទី០៨ខែមីនា ដោយថ្កោលទោសសមយុទ្ធដែនអាកាសរួមគ្នានាពេលថ្មីៗនេះ រវាងទីក្រុងវ៉ាស៊ីនតោន និងទីក្រុងសេអ៊ូល ដែលមានការចូលរួមពីសំណាក់យន្តហោះទម្លាក់គ្រាប់បែកនុយក្លេអ៊ែរ B-52 របស់អាមេរិក ដោយនិយាយថា សមយុទ្ធនេះគ្រាន់តែបង្កើនហានិភ័យនៃជម្លោះនៅលើឧបទ្វីបកូរ៉េប៉ុណ្ណោះ។

ក្រសួងនិយាយថា “ដោយសារតែសកម្មភាពគ្មានទំនួលខុសត្រូវរបស់សហរដ្ឋអាមេរិក និងកូរ៉េខាងត្បូង ដែលកំពុងផ្តោតតែលើការបង្ហាញប្រដាប់អាវុធ ផ្ទុយទៅនឹងការចង់បានរបស់សហគមន៍អន្តរជាតិសម្រាប់ការបន្ធូរបន្ថយភាពតានតឹង និងស្ថិរភាពនយោបាយ, ហានិភ័យនៃសង្គ្រាមនុយក្លេអ៊ែរនៅលើឧបទ្វីបកូរ៉េកំពុងផ្លាស់ប្តូរពីដំណាក់កាលស្រមើលស្រមៃ ទៅជាការពិត។ សមយុទ្ធនេះច្បាស់ណាស់បង្ហាញថា សហរដ្ឋអាមេរិកកំពុងរៀបចំធ្វើសង្រ្គាមជាមួយកូរ៉េខាងជើង”។

សមយុទ្ធរួមស្រដៀងគ្នានេះ ក៏ចាប់ផ្តើមឡើងផងដែរ កាលពីថ្ងៃសុក្រសប្តាហ៍មុន ខណៈសមយុទ្ធមួយផ្សេងទៀតនឹងត្រូវធ្វើឡើងនៅសប្តាហ៍ក្រោយ។ ជាងនេះទៅទៀត ចាប់ផ្តើមនៅថ្ងៃទី ១៣ ខែមីនាទៅ សម្ព័ន្ធមិត្តទាំងពីរ នឹងធ្វើសមយុទ្ធធំបំផុតក្នុងតំបន់ នារយៈពេល ៥ ឆ្នាំ ដែលនឹងអូសបន្លាយរយៈពេល ១១ ថ្ងៃ។

ក្រសួងគូសបញ្ជាក់ថា “សមយុទ្ធយោធារួម អាមេរិក-កូរ៉េខាងត្បូងទ្រង់ទ្រាយធំ ដែលនឹងចាប់ផ្តើមនៅប៉ុន្មានថ្ងៃខាងមុខ គឺមានលក្ខណៈឈ្លានពាន ដែលនឹងបង្កមហន្តរាយ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ប្អូនស្រីលោក គីម ជុងអ៊ុន ព្រមានអាមេរិក ក្រោយកូរ៉េខាងជើង បាញ់មីស៊ីល២ថ្ងៃជាប់គ្នា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១៥ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ២០ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ២០ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៨ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានអន្ដរជាតិ៥ ម៉ោង មុន

លោក បៃដិន បើកដៃឲ្យអ៊ុយក្រែន ប្រើអាវុធអាមេរិក បាញ់ចូលដី រុស្ស៊ី

Sokha Hotels

ព័ត៌មានពេញនិយម