ព័ត៌មានអន្ដរជាតិ
សមរភូមិនៅទីក្រុង Bakhmut ៖ ទាំង អ៊ុយក្រែន និងរុស្ស៊ី សុទ្ធតែខាតបង់ធ្ងន់ធ្ងរដូចគ្នា
យោងតាមការចុះផ្សាយរបស់សារព័ត៌មាន BBC បានឲ្យដឹងថា កងទ័ពអ៊ុយក្រែន និងរុស្ស៊ី សុទ្ធតែមានការខាតបង់យ៉ាងធ្ងន់ធ្ងរដូចគ្នានៅក្នុងសមរភូមិ Bakhmut ខណៈទីក្រុងមូស្គូបានព្យាយាមដណ្តើមយកទីក្រុងភាគខាងកើតអ៊ុយក្រែនមួយនេះ អស់រយៈពេលជាច្រើនខែមកហើយ ។
ប្រធានាធិបតីអ៊ុយក្រែនលោក Volodymyr Zelensky បាននិយាយថា កងកម្លាំងរុស្ស៊ីជាង ១,១០០ នាក់បានស្លាប់ និង ១,៥០០ នាក់បានរបួសយ៉ាងធ្ងន់ធ្ងរក្នុងរយៈពេលប៉ុន្មានថ្ងៃកន្លងមកនេះ ខណៈខាងរុស្ស៊ីឯណោះវិញក៏អះអាងដែរថា បានសម្លាប់សមាជិកទីភ្នាក់ងារអ៊ុយក្រែនជាង ២២០ នាក់ផងដែរ ក្នុងរយៈពេល ២៤ ម៉ោងចុងក្រោយនេះ ។
ពាក់ព័ន្ធនឹងបញ្ហានេះដែរ កន្លងមកអគ្គលេខាធិការអង្គការណាតូ លោក Jens Stoltenberg ធ្លាប់បានព្រមានថា ទីក្រុង Bakhmut អាចនឹងធ្លាក់ចូលក្នុងកណ្ដាប់ដៃរបស់រុស្ស៊ី នារយៈពេលត្រឹមតែប៉ុន្មានថ្ងៃទៀតប៉ុណ្ណោះ ខណៈការប្រយុទ្ធគ្នាយ៉ាងខ្លាំងក្លានៅតែកំពុងផ្ទុះឡើងអស់ពេលជាច្រើនខែមកនេះ ។
ការដណ្តើមយកទីក្រុង Bakhmut នឹងនាំឲ្យរុស្ស៊ីខិតទៅជិតគោលដៅរបស់ខ្លួនក្នុងការគ្រប់គ្រងតំបន់ Donetsk ទាំងមូល ដែលជាតំបន់មួយក្នុងចំណោមតំបន់ចំនួន ៤ នៅភាគខាងកើត និងភាគខាងត្បូងនៃអ៊ុយក្រែន ដែលត្រូវបានបោះឆ្នោតបញ្ចូលដោយប្រទេសរុស្ស៊ីកាលពីខែកញ្ញាឆ្នាំមុន ។
គួរបញ្ជាក់ថា រហូតមកដល់ពេលនេះ ប្រតិបត្តិការសឹករបស់រុស្ស៊ីលើអ៊ុយក្រែន បានអូសបន្លាយពេលជាង ១ ឆ្នាំមកហើយ ខណៈក៏មិនទាន់មានសញ្ញាថមថយណាមួយនៅឡើយផងដែរ ស្របពេលដែលបណ្ដាប្រទេសលោកខាងលិច ក៏ដូចជាសហរដ្ឋអាមេរិក នៅតែបន្តផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ៕
ប្រែសម្រួលដោយ ៖ ជីវ័ន្ត
ប្រភព ៖ BBC
ចុចអាន ៖ អ៊ុយក្រែន សុំឲ្យ អាមេរិក ជួយអាប់ដេតប្រព័ន្ធខែលការពារដែនអាកាស
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ