ព័ត៌មានអន្ដរជាតិ

មកស្គាល់មន្ត្រីកំពូល៤រូប ដែលជាកម្លាំងសំខាន់ ជួយលោក ស៊ី ដឹកនាំប្រទេសចិន សម្រាប់អាណត្តិថ្មី

បានផុស

៣ years មុន

នៅ

ថ្ងៃចន្ទ ១៣ មីនា ២០២៣

ដោយ

ស្របពេលប្រធានាធិបតីចិនលោក ស៊ី ជីនពីង ក្លាយជាមេដឹកនាំចិនដ៏មានឥទ្ធិពលបំផុតចាប់តាំងពីលោក ម៉ៅ សេទុង បន្ទាប់ពីទទួលបានអំណាចអាណត្តិទីបីនោះ លោកត្រូវបានជួយជ្រោមជ្រែងពីក្រុមមន្ត្រីសំខាន់ៗដែលគាំទ្រអភិបាលកិច្ចរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃសុក្រទី១០ខែមីនា លោក ស៊ី ត្រូវបានជ្រើសរើសជាប្រធាធិបតីអាណត្តិថ្មី ដោយការបោះឆ្នោតជាឯកច្ឆ័ន្ទក្នុងសភារបស់ប្រទេសចិន។

ជាមួយនឹងការកាន់តំណែងនេះ លោក ស៊ី ត្រូវបានជួយគាំទ្រដោយមន្ត្រីកំពូលមួយចំនួន ដែលមន្ត្រីទាំងនោះរួមមាន៖

លោក Ding Xuexiang

លោក Ding Xuexiang ត្រូវបានតែងតាំងជាឧបនាយករដ្ឋមន្ត្រីចិន ក្នុងសម័យប្រជុំដំបូងនៃសភាប្រជាជនជាតិលើកទី១៤ នៅទីក្រុងប៉េកាំង រដ្ឋធានីនៃប្រទេសចិន កាលពីថ្ងៃទី១២ ខែមីនា ឆ្នាំ២០២៣។

លោក Ding Xuexiang បច្ចុប្បន្នជាសមាជិកគណៈកម្មាធិការអចិន្ត្រៃយ៍នៃការិយាល័យនយោបាយមជ្ឈិមបក្សកុម្មុយនិស្តចិន (CPC) ទី២០ និងជាលេខាធិការនៃគណៈកម្មាធិការការងារនៃស្ថាប័នមជ្ឈិមបក្ស និងរដ្ឋ។

កើតនៅខែកញ្ញាឆ្នាំ១៩៦២ លោក Ding បានចាប់ផ្តើមការងារដំបូងរបស់គាត់នៅខែសីហា ឆ្នាំ ១៩៨២ ហើយបានចូលរួមជាមួយ CPC នៅខែតុលាឆ្នាំ១៩៨៤។

លោក He Lifeng

លោក He Lifeng ត្រូវបានតែងតាំងជាឧបនាយករដ្ឋមន្ត្រីចិនក្នុងសម័យប្រជុំដំបូងនៃសមាជប្រជាជនជាតិលើកទី១៤ នៅទីក្រុងប៉េកាំង រដ្ឋធានីនៃប្រទេសចិន កាលពីថ្ងៃទី១២ ខែមីនា ឆ្នាំ២០២៣។

លោក He Lifeng បច្ចុប្បន្នជាសមាជិកការិយាល័យនយោបាយនៃគណៈកម្មាធិការមជ្ឈិមបក្សទី២០។

កើតក្នុងខែកុម្ភៈឆ្នាំ១៩៥៥ គាត់បានចាប់ផ្តើមការងារដំបូងរបស់គាត់នៅខែសីហា ឆ្នាំ១៩៧៣ ហើយបានចូលរួមជាមួយ CPC នៅខែមិថុនា ឆ្នាំ១៩៨១។

លោក Zhang Guoqing

លោក Zhang Guoqing ត្រូវបានតែងតាំជាឧបនាយករដ្ឋមន្ត្រីចិនក្នុងសម័យប្រជុំដំបូងនៃសមាជប្រជាជនជាតិលើកទី១៤ នៅទីក្រុងប៉េកាំង រដ្ឋធានីនៃប្រទេសចិន កាលពីថ្ងៃទី១២ ខែមីនា ឆ្នាំ២០២៣។

លោក Zhang Guoqing បច្ចុប្បន្នជាសមាជិកការិយាល័យនយោបាយនៃគណៈកម្មាធិការមជ្ឈិមបក្សទី២០។

កើតនៅខែសីហាឆ្នាំ១៩៦៤ លោក Zhang បានចាប់ផ្តើមការងារដំបូងរបស់គាត់នៅខែកញ្ញា ឆ្នាំ១៩៨៥ បន្ទាប់ពីចូលរួមជាមួយ CPC នៅខែកក្កដា ឆ្នាំ១៩៨៤។

លោក Liu Guozhong

លោក Liu Guozhong ត្រូវបានតែងតាំងជាឧបនាយករដ្ឋមន្ត្រីចិនក្នុងសម័យប្រជុំដំបូងនៃសមាជប្រជាជនជាតិលើកទី១៤ នៅទីក្រុងប៉េកាំង រដ្ឋធានីនៃប្រទេសចិន កាលពីថ្ងៃទី១២ ខែមីនា ឆ្នាំ២០២៣។

Liu Guozhong បច្ចុប្បន្នជាសមាជិកការិយាល័យនយោបាយនៃគណៈកម្មាធិការមជ្ឈិមបក្សទី២០។

កើតនៅខែកក្កដាឆ្នាំ១៩៦២ លោក Liu បានចាប់ផ្តើមការងារដំបូងរបស់គាត់នៅខែសីហា ឆ្នាំ ១៩៨២ ហើយបានចូលរួមជាមួយ CPC នៅខែវិច្ឆិកាឆ្នាំ១៩៨៦៕

ប្រែសម្រួល៖ Vann Vann

ប្រភព៖ Aljazeera, Xinhua

ចុចអាន៖ ថ្លែងបិទសមាជសភា, លោក ស៊ី ប្តេជ្ញាប្រឆាំងឯករាជ្យភាពរបស់តៃវ៉ាន់